Nädip unutmaly?

NÄDIP UNUTMALY?

Nädip unutmaly,
Nädip gülmeli?
Nädip ýöretmeli ýürege hökim?
Tutașan ykbaly,
Geçen günleri,
Meñem unutmaga bardyra hakym?

Elleñ bilen däl, sözleriñ bilen,
Ýykdyñ seni ezizleýän göwnimi.
Wysalsyz arzuwym armanda goýup,
gitdiñ. Indi eden ișiñ dogrumy?!

Özge gyza bakanokdy göreçler,
Bilýäñ, muny señ öziñem bilýäñ.
Ýöne welin, näme üçin sowașman,
Sowuk sözleñ bilen bagrymy dilýäñ.

Ak lybasda, düýșimde hem hușumda,
Hem müdimi añymda suratdeý galdyñ.
Nädip unutmaly geçen günleri,
Señ geçen günleri undușyñ ýaly?!

Perman Halgylyjow