Главная » 2021 » Dekabr » 22 » Obamyzyñ "tilkileri"
13:23

Obamyzyñ "tilkileri"

OBAMYZYÑ "TILKILERI"

Ondan-oña sümsünşip ýör,
Obamyzyñ "tilkileri".
Gazan gyzsa ymsynşyp ýör,
Obamyzyñ "tilkileri".

Her kime bir dil berýärler,
Güýçlülere gol berýärler,
- Başlyk jan - diýip, gün görýärler,
Obamyzyñ "tilkileri".

Başlygy görse bolany,
Hökman sözlärler ýalany,
Adam satýarlar ýamany,
Obamyzyñ "tilkileri".

Oñ sözüni oña ýelmärler,
Şeýtse olañ ýüki ýeñlär,
Gijelerine gapy diñlär,
Obamyzyñ "tilkileri".

Iş etmezler belli-külli,
Ýaltalykda ady belli,
Ýalan sözli, ýaman dilli,
Obamyzyñ "tilkileri".

Duşsañ yza tesmelidir,
Gatnaşygy kesmelidir,
Märekede masgaradyr,
Obamyzyñ "tilkileri".

Kändir eden-etmişleri,
Gutaranok "myş-myşlary",
Döwrümiziñ düş-düşleri,
Obamyzyñ "tilkileri".

Ata TÄZEBAÝEW.

"Tokmak" žurnaly, 1989 ý.
Goşgular
Категория: Goşgular | Просмотров: 372 | Добавил: Haweran | Теги: Ata Täzebaý | Рейтинг: 3.0/2
Awtoryň başga makalalary

Goşgular bölümiň başga makalalary

√ Hatty benewşe, haddy läle, zülpi reýhandyr... / Goşgular - 12.01.2025
√ Dostum, arz et jemalyň, janymyz bolsun fereh... / Goşgular - 04.01.2025
√ Lolular / Goşgular - 08.01.2025
√ Eýledi ýar meni dert ile awara, medet... / Goşgular - 12.01.2025
√ Oňşuksyz öý / Goşgular - 12.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ "Ýene-de daň atdy..." / Goşgular - 01.01.2025
√ Aramyzdan gidenleri ýatlalyñ! / Goşgular - 12.01.2025
√ Ýagşy niýetler / Goşgular - 08.01.2025

Teswirleriň ählisi: 6
0
1 Garayolly1936  
830
Tama bilen saýrar dili,
Para ýükli gülli eli,
Indi hasam tejribeli
Obalaryň ,, tilkileri".

0
2 Garayolly1936  
830
Özi üçin dostuny, haýyn,
Oda itermäge taýyn,
Garaňkyda gezär ýaýyn
Obalaryň ,, tilkileri".

0
3 Garayolly1936  
830
Meçew berer gybat-gepe,
Iller saga-olar çepe,
Etmişleri depe-depe
Obalaryň ,, tilkileri".

0
4 Garayolly1936  
830
Tilkileriñ mugallymlary barde. Olaryñ seýsmik ojagy şu ÿerde, inim. Garañky burçdan atyarlar.

0
5 Haweran  
411
Olar hemişe, hemme ýerde bardy (bolarlaram, tebigatyñ kanuny-da bi), agam. Hemişe üýrüp, çyñsap geldiler (Hudaýa şükür, kerwenimiz haýallyk bilen ýol aşsa-da ýetmeli menziline ýete-ýete geldi).
Hemişe garañka bukulyp kesek atdylar, hemişe asmana tüýkürdiler (öz ýüzlerine düşdi), mydam aýakdan aslyşdylar, bilenleri-bitenleri gep-gybat, myjabat, töhmet boldy... ahyrynda özleri il masgarasy boldular.
Ýaşlyk edip, ilki olara jogap berjegem boldum... Degmeýän eken. Olary Allanyñ özi düzetmese düzetjek güýç ýok. Suraý şahyrymyz diýýär-ä:

"Bahaňy wagt kesgitleýär,
Biweçleň, azgynlaň sözün
Diňlemesemem boljak eken.
Olary Alladan başga
Hiç kim düzetmejek eken..."

Gaýtam, jogap berseñ, olar bilen agzyñy deñeseñ öz abraýyña şikes ýetýän eken.
Bilenlerinden galmasynlar. "Suw akar, daş galar". Biz ýagşylygy ýaýaly, biz gözelligiñ waspyny edeli, biz şeri ýazgaraly. "Ýagşydan at galar, ýamandan set". Barmysyñyzam diýme, agam. Şeýtmegiñ bir lezzeti bar eken, walla, indi-indi bilýän munyñ hezilligini.

0
6 Garayolly1936  
830
Örän HAK aýdýaň, inim. Juda we juda dogry. Ýamanlyklary öz ýakalaryndan guýular enşalla. Hudaý diýip ýöräbereli. Rowan ýol biziňkidir nesip bolsa!

Teswiri diňe saýta agza bolan ulanjylar goşup bilýär.
[ Agza bol | Saýta gir ]