Главная » 2023 » Oktýabr » 19 » Ýyldyzlary ýakan ynsanlar...
11:00

Ýyldyzlary ýakan ynsanlar...

ÝYLDYZLARY ÝAKAN YNSANLAR..

Laçyn Pürjäýewa bagyşlanýar.


Ýyldyzlary adamlar ýakýar...
Hiç kese zerur däl...
...ýaly, olaň şöhlesi...
Ýüzýyllyklary ynsanlar çekýär,
Ýöne gerek däl...
...ýaly hiç kime olaň yhlasy...
Ýyldyzlary ýakan ýürekler,
Asyrlary göteren ýürekler,
Hiç kime, hiç kime, hiç kime...
gerek däl,
gerek däl,
gerek däl...
...Emma...
Ötse-de ýüzýyllyklar,
Örtse-de dünýäň üstüni döwürler,
Ýyldyzlar henizem ýanyp dur gökde...
Entegem...
ýanyp dur, ýyldyzlary ýakan ömürler,
her bir gamly köňülde,
ýalňyz ýürekde...
Goşgular
Категория: Goşgular | Просмотров: 402 | Добавил: Bagabat | Теги: Öwezgeldi Begliýew | Рейтинг: 5.0/2
Awtoryň başga makalalary

Goşgular bölümiň başga makalalary

√ Ýene-de Stalin hakynda / Goşgular - 12.10.2024
√ Göreniň galar / Goşgular - 29.05.2024
√ Eý, Habybyňdan gelip, hamdyňda... / Goşgular - 02.08.2024
√ Görüp göçmeli dünýedir / Goşgular - 29.05.2024
√ Rubagylar / Goşgular - 18.06.2024
√ Käbir aýallara melek diýýäñiz / Goşgular - 04.02.2024
√ «Bolanok — diýipdiň — bir ýylda iki...» / Goşgular - 23.10.2024
√ Saña barýan ýol / Goşgular - 18.08.2024
√ Dag säheri / Goşgular - 15.07.2024
√ Keýik / Goşgular - 23.08.2024

Teswirleriň ählisi: 5
0
1 Bagabat  
43
“...Belki-de ol Köpetdagyň goýnunda
Million ýyl öň gurap,
çöl bolup giden
Dünýäň kartasynda ady ýok deňiz...”.

Has Türkmen “Ýagyş we Deňiz”


Ýer ýüzünde boldam bir bolmadam,
goý, atsyz betbagt bolmasyn,
geliň,
at goýalyň,
şol garamaňlaý Deňze!
Goý, onuň haýbatly ady,
azm ursun, biwepa dünýäň
geldi-geçer bipaýanlygyna!

© Öwezgeldi Begliýew

0
2 Haweran  
411
Şu sitatanyñ näme üçin epigraf edilip alnanyna we şol sanda aşakdaky bendiñ hem näme diýýänine hiç düşünmedim?!..

0
3 yaran_yagmur_9  
1578
Gepiň gerdişine görä aýtsak, ol aslynda derýa däl-de, umman bolan, adyna ylymda Tetis diýýärler. Owadan at, gadymy ýunanlarda deňiz taňryçasynyň ady (Fetidis).

Umuman, bu ummanyň gurandygyna gynanyp oturasy iş ýok: ol guramasa biziň topragymyz hem bolmazdy.

"Ýer ýüzünde hiç bir adamzat bolmasa, ol has gözel we jennet mekan bolardy" diýip ahmyr edýänler häzir az däl. Belki, şeýledir.

Emma Ýewropada, Sibirde, Afrikada, Hindistanda gury ýer we adamzat bar bolsa, emma bärde Atlantik ummandan Ýuwaş ummana çenli uzalyp, biziň ýurdumyzy hem öz düýbüne alyp ýatan bir ummanyň bolmagyny men-ä islemezdim :) Birhili adalatsyz ýaly.

Aslynda bolsa şu wagt "Biziň ýurdumyz bolmajak bolsa, dünýäniň bolany jähenneme gerekmi?" diýen garaýyş moda boldy.

0
4 Haweran  
411
Tetisdigini bilýäris. Teswiriñizde aýdylanlar bulara düýbünden dahylsyz gürrüñler. Hem şu ýerde derýa diýilýän ýeri barmy?

0
5 yaran_yagmur_9  
1578
Bagyşlaň, "deňiz" diýjegim.

Teswiri diňe saýta agza bolan ulanjylar goşup bilýär.
[ Agza bol | Saýta gir ]