22:33 Aýly gije | |
AÝLY GIJE
Aýly gije. Ak tümlük. Töwerek-daş ümsümlik. Ýar bilen ýap boýunda Ümür-dumana çümdük. Bizi gorar bu gije, Gorar bizi ak tümlük. Gulak salma çybşylda, Hiç kim ýog-a! Ümsümlik! Bu maýsaly meýdanlar Bize haly-kilimdir. Gorkma, eneň gözlemez, Ol eýýäm irkilendir! Boýdaşlaryň derekler Hatara düzülip dur. Saňa meňzeş ýyldyzlaň Gözleri süzülip dur... Tisginme sen, ezizim, Ol balyk suwda bökdi. Ýa derekler biz hakda Bir-birne çawuş çakdy! Guş oýanyp, ganatyn Batly kakandyr çenden? Şemal gondy gamyşa, Pyşyrdy çykýar şondan. Eglenäý gyz ýene-de, Şeýle az wagt geçipdir. Täzeden suw alaýyn, Bedräňe Aý gaçypdyr! Fewral 06, 2011. | |
|
√ Şert / Goşgular - 09.02.2024 |
√ Siziñki / Goşgular - 30.01.2024 |
√ Wiswisi lakamly obadaşymyň ömür beýany / Goşgular - 25.03.2024 |
√ Moskwadan görýärler / Goşgular - 30.01.2024 |
√ Жизнь / Goşgular - 29.02.2024 |
√ Aldawçynyñ pañ-pañy / Goşgular - 18.01.2024 |
√ «Превратила всё в шутку сначала…» / Goşgular - 29.02.2024 |
√ Atsyz goşgy / Goşgular - 31.01.2024 |
√ Ýagyş damjasy / Goşgular - 24.03.2024 |
√ Düýşgowuran / Goşgular - 08.04.2024 |
Teswirleriň ählisi: 0 | |