Bahar

BAHAR

Salam, Bahar!
Gelewer,
Geç-de otur, törümde!
Çal sazyňy diňläýin,
Ses goşaýyn, özüm-de,

Aýdaly bile aýdym,
Ýaňlandyryp dünýäni,
Sowuk gyşyň yzasyn,
Şatlyk bilen bezäli!

Seniň gelmegiň bilen,
Çaýyldy, kalba ýyly,
Bu ajaýyp dünýäme,
Mahmal düşelen ýaly.

Çek suratyn
Tebigatyň,
Dürli reňkler ýaýrasyn!
Ýeller öwsüp,
Güller owsup,
Baglar başy oýnasyn!

Çeşmelerde,
Şibir-şibir,
Akyp dursun, dury suw!
Hem bezegin,
Ber gezegin,
Ganat ýaýsyn, akja guw!

Dag başynda bolsa, ak gar,
Eremesin, goý, dursun!
Emma, duman bolsa dynman,
Poz-da ony, aýyr bir ýan,
Oň deregne,
Gün lowurdap,
Ýyldyrasyn,
Ýylgyrsyn!
Çünki, ýazda,
Hoş owazda,
Bolup dursa,
Älemgoşar,
Seň gelmegiň,
Meň kalbymyň,
Güýjüne
kuwwat goşar...