16:15 Biziñ taryhynyz | |
BIZIÑ TARYHYMYZ
"Taryh" kitaplaryñ okama, oglum, Sapagyñy bilmeseñ-de ýok aýby. "Kakam käýär" diýil, artmasyn dowluñ, "Ikilik" aljagyñ etmegin gaýgy. Kitapmydyr olar, "hudaý ýasalan Bäş-üç sany serdarlaryñ tarypy. Goý, çigit satýanlar, çigit dolasyn, Warak-warak ýyrtyp, beýle "Taryhy". Watan üçin başyn orta goýanlar, Öwrülipdir "kellekeser basmaça". Geçmiş, oglum, bu ýazlanlar ýaly däl; Geçmiş başgaça... Ony gojalaryñ gürrüñlerini Diñläp öwren, kitaplardan öwrenme. Begenmegin "Taryh" sapaklarynda "Bäşlik" baha alanyña, öwlenñe. Gowy bilmek mümkin däldir geçmişi, Bu kitaplar galplaşdyrlan-ýoýlandyr. "Bäşlik" baha, belki, "ýalan taryha" Boýun bolup ýöreniñe goýlandyr! GYÝKYNDYLAR ■ ŞLÝAPA Geýene haýbat bermäge taýýar, Şlýapa. Gaýly gün özün oñaýsyz duýýar, Şlýapa. "Men barkam kelle hökmanmy?!" Şlýapa. ■ ÖWÜT Öwüt berdi burun-burna: - Bilgin ýeriñ, bilgin ornuñ! Ýüreklere düşüp ýörme, Ähli ýere sokup burnuñ! PARH Barlyk bolaly berkarar, Şeýle hakykat aýan: Ýaşamak üçin iýýän bar, Iýmek üçin ýaşaýan. HASYL Ýyllañ tirkeş-tirkeşi Mañlaýyñy sürüpdir. Her gasyny - her keşi Pähim hasyl beripdir. ÖSÜŞ 1 Maýmynlykdan - adama, Aýakdan ele geçdik: El bilen ekdik, El bilen orduk. El bilen ýykdyk, El bilen gurduk. 2 Adamlykdan - aldawa, Elden boş dile geçdik: Dil bilen ekdik, Dil bilen orduk. Dil bilen ýykdyk, Dil bilen gurduk. ÖWGI Tankyda döwdürmejek, Öwüñ, öwgä döwdürsin! (Ýok özün öwdürmejek!) Oñ öñünde döw dursun! BIR ŞAHYRYÑ ARZUWY Ýurduñ belli ýerinde Dur mermerden heýkeli. Pegasyñ eýerinde Otyr, galamly eli. Sežde edýär görenler, Şöhrat lawry başynda. Tankyt ýazyp ýörenler - Sübsegäri daşynda. ÜÇLÜK "Üçlük" eýmendirýär sanlaryñ biri: Ozal NKWD-äñ "üçlügi". Indi - başlyk, orunbasar, bölüm müdiri. Hemra ŞIROW. | |
|
√ Goltugy daşly adam / Goşgular - 05.01.2024 |
√ Nar / Goşgular - 22.04.2024 |
√ Gije hem gündiz / Goşgular - 07.02.2024 |
√ Ynanarmykan? / Goşgular - 30.01.2024 |
√ Ak buýnuzly ak maral / Goşgular - 01.01.2024 |
√ Dostluk hakda / Goşgular - 18.02.2024 |
√ Puluň başarnygy barada agymtyl goşgy / Goşgular - 10.01.2024 |
√ "Gitdim senden ilerledip ümzügi..." / Goşgular - 01.01.2024 |
√ Yzany yşkyma ýamag etdim / Goşgular - 15.04.2024 |
√ Dünýe... / Goşgular - 11.02.2024 |
Teswirleriň ählisi: 1 | |
| |