20:22 Çoluk aýdymlaryna gyzyň jogaby | |
ÇOLUK AÝDYMLARYNA
GYZYŇ JOGABY Ýaz gelse näme bolar?! Ýaýlada läle bolar. Ýumşak, ýuwa barmaklam, Saçyňa şana bolar. Agladym okdyn-okdyn, Ýatlap jigerim ýakdym. Göwnüňe gülden terlik, Çägeden päklik ýoksun. Ýaz gelse çöle, çoluk, Kän geler jala, çoluk, Ýatla, dertleriň synar, Çalmary çola, çoluk. Çeşmimi ýolda goýgan, Meni kyn halda goýgan, Ýüregim jürk-jürküldär – Janserek mollatorgaý. Tursaň ümüş-tamyşda Gün seçegi kümüş-le Ýüregim set para bor, Gaýry bilen danyşsaň. Meni aýdan soragan, Köňli ýele köregen, Seni bela-beterden Yhlaslarym goragan. Aý asmanda çelpekdir, Batmaz kaka ýalpakdyr, Dolduraýyn bukjamy, Howlukmawer entek bir. Ah çekseň, arman çekseň, Ne peýda derman çöpden, Saňa tikjek tahýama, Salmaryn “Armankeşde” Ýarym daş – Garagymda, Söýgim ýaş ýüregimde, Başýuwlugyň ysy bar, Meniň başdaragymda. Ýaz ysy serde galsyn, Leb yzy lebde galsyn, Ykbalym duşurmasa, Gül ömrüm öter ýarsyz. Gurbandurdy ORAZOW. | |
|
√ Aldawçynyñ pañ-pañy / Goşgular - 18.01.2024 |
√ Garyp köñlümiñ soltany / Goşgular - 21.02.2024 |
√ Lenç edilen nakyl / Goşgular - 05.02.2024 |
√ Nar / Goşgular - 22.04.2024 |
√ Meniñ monologym / Goşgular - 01.01.2024 |
√ Alabahar / Goşgular - 21.03.2024 |
√ Owadan pyçak hakynda erteki / Goşgular - 09.04.2024 |
√ «Превратила всё в шутку сначала…» / Goşgular - 29.02.2024 |
√ Tilki bilen üzüm / basnýa / Goşgular - 10.01.2024 |
√ Estagfurullaly bentler / Goşgular - 14.02.2024 |
Teswirleriň ählisi: 0 | |