Главная » 2021 » Mart » 13 » Dag çekýän
07:17

Dag çekýän

DAG ÇEKÝÄN

Dag çekýän
Gara,
Gyzyl,
Agyr.
Agtaryp altyn
Soraglap bagtym
Ýatlap ýaşlygymy ýitiren wagtym
Yzarlap anamyñ aglan agysyn
Ysyrgap atamyñ aýagnyñ yzyn
Çökerip dyzym
Gorjalap daglaryñ - daşlaryñ gatyn
Dag çekÿän
Bir elimde galam
Birinde kömür.
Dag çekÿän
Başymy ýaýkap.
Hiñlenip şygyr
Agym aýdym bolup siñende daga
Daşlara ornanda goşgulam
heñim
Ýarylýar çyban
Ýarylýar wolkan
Akÿar gyrmyz gan
Ýandyryp Zeminiñ ýalañaç tenin
Bir gapdaly ýara
bir ýany iriñ
Dag çekýän
Mañlaýy nyşanly
Arkasy ýagyr.
Dag çekýän
Añymda alada
Beÿnimde pikir.
Depesine ýagan galyñ garlary
Kalbynda porsan namys-arlary
synasyna siñen duýgyny çekýän
Almaz zehinin
Gurşuny gurşan tenin
Ynsana gerilen gujagyn
Gursagynda gaÿnan agyny çekÿän
Ümürde ÿitirilen ömür
Dumanda ýanan daban
Dag çekýän
Ertir
Agşam
Giden bir ömür.
Dag çekýän
Gara
Gyzyl
Agyr.

Abdylla MUHAMMEDI.
(Türkmensähra)
Категория: Goşgular | Просмотров: 475 | Добавил: Hаwеrаn | Теги: Abdylla Muhammedi | Рейтинг: 3.4/5
Awtoryň başga makalalary

Goşgular bölümiň başga makalalary

√ Suwdan ot çykaran goşgy / Goşgular - 31.01.2024
√ Ak buýnuzly ak maral / Goşgular - 01.01.2024
√ Ynanarmykan? / Goşgular - 30.01.2024
√ Goltugy daşly adam / Goşgular - 05.01.2024
√ Şert / Goşgular - 09.02.2024
√ Dostluk hakda / Goşgular - 18.02.2024
√ Düýşgowuran / Goşgular - 08.04.2024
√ Ýolbars we Möjek / basnýa / Goşgular - 05.01.2024
√ "Garrap ýörünmi ýa men..." / Goşgular - 01.01.2024
√ Kyrk ýaşa ýüzlenme / Goşgular - 03.02.2024

Teswirleriň ählisi: 23
0
1 Hаwеrаn  
245
Şahyr, pedagog Abdylla Muhammedi Magtymguly atamyzyñ ýedinji arka neberelerinden.

0
2 abdyllahmuhammadi  
377
bah ?? Name diydiginiz bolya ?

0
3 abdyllahmuhammadi  
377
Halamadynyzmy ?

0
4 Sona  
621
Men halamajagymy adyndan bilýän. A munuň bolsa ady özüneçekijidi.
eger halamasam emosiýamy çykarman sessizje çekilýän.
Käwagt uzyn-uzyn sözlemlerdir düşündirişlerden birje ümlük has ýerine düşýär hasaplaýaryn

0
5 mango  
651
“bäh” diýdiren ýerini giňişleýin aýdaýsaňyz...

0
13 abdyllahmuhammadi  
377
Uns bereniniz ucin sag bolun .

0
6 Jumjume  
571
"Dag" diýip gör nähili dertli,günäkär,jepakär bir YNSANY çekipsiñ! Haladym

Ýarylýar wulkan däl-de atylýar diyseñiz bolmazmy?

Mañlaýy nyşanly däl-de tagmaly diýseñiz dogry bordy

0
12 abdyllahmuhammadi  
377
salam ! Tagma gowy soz . Yadyma dusmandir .

0
7 Елена_Прекрасная  
462
Turkmenistana geliñ.

0
10 abdyllahmuhammadi  
377
wah !

0
8 mango  
651
Dag çekÿän
Bir elimde galam
Birinde kömür.
—-
Iki eliňde-de surat çekme guralyň bolmagy ters effekt berýär - iki elde surat çekip bolmaýar. Ýa kömür, ýa galam bolsa boljak eken.

0
11 abdyllahmuhammadi  
377
salam . Galam das goparmak ucin demirden yasalyan lomdan kici goral . Komur bolsa daslaryn arasynda yerlesen yangyc materyal . Gyzyldyr almaz agtaranlar sony tapmagy mumkin . Pucluk.

0
14 mango  
651
Kömür bizdede kömür.
Galam tapawutly eken.
Ýomutlar çemçäde galam diýýän bolmaly.
Galamyň lom ýaly guraldygyny şu wagt öwrendim.

0
9 mango  
651
Dag çekÿän
Başymy ýaýkap.
Hiñlenip şygyr
—-
Dag çekýän
Añymda alada
Beÿnimde pikir.
—-
“Şygyra hiňlenmek” belki aladaly hem bolup biler, ýöne köplenç keýpiçaglykda hiňlenilýar.
“alada”, “pikir” bilen dramatizmi güýçlendirişiňe görä “hiňlenmek” ýerinde däl ýaly.
—-
Ýene-de başga goşgularyňy okatsaň okarys.
Üstünlikler.

0
15 mango  
651
Dost Abdullah. Çekmek bu ýerde surat çekmekmi, ýa-da daşamak manysy barmy?
Dag çekmek - dag pytratmak, owradyp daşamak, çekmekmi?
Dag çekmek - suratyny çekmekmi?

0
17 abdyllahmuhammadi  
377
dagyn uc manysy bar : biri dagyn ozi . biri basylyan dag . ol biri Beyik ynsan . kyncylyklar da dag yaly agram bar . basylyan daglar sol kyncylyklara garsy duranyn payy. Jan dostum ! men gosgyny taze owrenyanlerden . Kemciligi kopdir .

0
18 Sona  
621
il-ýurt bilen bagly dert-alada çekmek. şeýle derdi-aladany göterip ýaşamak , il-halkyň derdi aladasy bilen ýaşamak diýip düşündim men-ä

0
16 mango  
651
Dagdan gaýrakylylar dagdan ilerkililere tes düşündi öýdýan.
Çekilen surat ýok ýaly.
smile

0
22 abdyllahmuhammadi  
377
Menin jogap berip durmagym gelsiksizem bolmagy mumkin .Yone birinciden menin gowy owrenmame yarsam etyar , onsonam Dagyn ikiyan yuzunin gosgylarynyn tapawudyny bilip dusnusmek ucin onatdygyny dusunmeli . Barde gos-goni aydyp bolyan zat yok .

0
19 Sona  
621
Şeýle bir goşgular bar, olar böleklerden düzülýärler. olaryň 1 setirini ýa iki setirini ýa 1 bendini goşgudan bölüp alyp aýratynlykda ulanyp bolýar. olar öwrenilende-de böleklere bölnüp öwrenibermeli.
emma şeýle bir goşgular bolýar , olar bitewülikden bölünip gaýdan bitewülik. olar böleklere bölünmeýärler. olar bitewüligine kabul edilmeli. olar öwrenilende-de (ýat tutmak manysynda däl, ylmy tarapdan) bitewüliginde halynda baha berlip öwrenilmeli. Ine şu goşgynyň ýagdaýy şeýle.

şu goşga hiç hili teswir, syn, düşündiriş berilmeli däl, ol üşk arkaly duýulmaly.
şonuň üçinem BÄH! diýdim

0
20 abdyllahmuhammadi  
377
Sag bol Sona!

0
21 Sona  
621
Indi goşgynyň formasy barada. Goşgy erkin formada, bu --- şahyryň ruhy taýdan erkinligini aňladýar. kapiýalara baglananok. kapiýalaryň hatyrasya ýazanok. Ruhundan gelişi ýaly ýazýar.

pikirlerden duýgulardan hiç hili kökenler-kössekler aslyşanok.

goşguda söz däl duýgy BIRINJI ýerde goýlupdyr.

okyjy şahyryň duýgularyny duýmaly. şony ýazýan adam okaýana duýduryp bilmeli, geçirip bilmeli şo duýgyny.
şeýle maksat bolanda we şeýle ýagdaýda goşgy erkin formada bolmaly bolýar.
ol şahyryň islegine däl, ruhuna görä bolup geçýän haldyr

0
23 abdyllahmuhammadi  
377
Gepiñ gysgasy : '' Özüni tanan Tañrysyny tanar ''
H.Muhammet Pyÿgambar

Ynsan häzir özüni tananok

Teswiri diňe saýta agza bolan ulanjylar goşup bilýär.
[ Agza bol | Saýta gir ]