Daýhanym

DAÝHANYM

Etekläp otyrsyñ Sakarçägäni,
Dogduk diýar eziz obam Daýhanym.
Unutmagyn alysdaky çagañy,
Dogduk diýar eziz obam Daýhanym.

Behişti ýatlatýar göm-gök baglygyñ,
Ýaşyl baglañ başyñdaky ýaglygyñ,
Başlangyjy sen ömrűműñ, barlygyñ,
Dogduk diýar eziz obam Daýhanym.

Nesibämdir, duzun iýmek Ahalyñ,
Hasyl berýä, birçak göçren nahalyñ,
Göwün joşýar seni ýatlan mahalym,
Dogduk diýar eziz obam Daýhanym.

Sag salamat örýärmi deñ-duşlarym,
Tükel saklap otyrsyñmy başlaryn,
Deñ paýlaşyp şatlygyn, gözýaşlaryn,
Dogduk diýar eziz obam Daýhanym.

Ýűrek sende bolsañda sen uzakda,
Bas bagryña goýnuma gol uzatda,
Ajap görküñ görüp ýörün her zatda,
Dogduk diýar eziz obam Daýhanym.

Ýürekde besläni kakam pahyryñ,
Saña bagly meniñ owal ahyrym,
Waspyñ eden bir kiçijik şahyryñ,
Dogduk diýar eziz obam Daýhanym.

Mustapa WELLÄÝEW.