09:04 Gitmek / goşgular | |
GITMEK
Gapyny ýapyp gidipdiň, täsin boldy, Asyl ony bilen dälsiň, bilen bolsaň Şeýle gaty ýaparmydyň? Ýok, ýapmazdyň. Emma welin Yş goýmansyň hiç bir ýerde. Ony açyp bilermikäň hatalarňa düşüneňde?! Şo-da gümana... Tümde galdym, ne şöhle bar, Ne-de ses bar töwerekde. Mende çykalga galmady Gözümi ýummakdan başga. Aý, bolýa-la, bu zatlar hiç, Jan saglygňy aýagyn has! Goý, durmuşyň durky seni Gussalardan etsin halas. Şat günüňde şaýat köpdür, Aýdyp bormy hemmä derdiň A men bu gün saňa aýdyp Ýeňläp biläýjek derdimi Asmana aýdyp ýeňledim. Çünki, düşün, bu gapyny Açmaga ýetmedi güýjüm Eger açan bolaýsamam Ne seni gözläp bilerdim, Ah, tapmazdym hiç bir ýerden. *** Ýazgydyma ýazylandan ýadyrgap Dat etmek dogrumy, düşünemok hiç. Serime sygmadyk setirler bilen Kagyzy otladym şu güne deňiç. Gussalarym gursagymda köşeşmän Çyrpynýar, çalt urýar ejiz ýüregim. Yşyk gerek tümi ýagtyltmak üçin, Men ýüregmi ýakýan şemiň ýerine. Özümi otlaýan gussaň heňine, Tämizleýän ajy ýaşlarym bilen Gündiz tozan toplan kirpigmiň kirin. Geň görýä adamlar bolup ýörşümi, Deň gelmeýär olar bilen pikirim. Yza berýän ýüregime ýüz bermän Argyn halda her gün oýanýan şeýdip... • SYR Gazabyňdan gorky inmez kalbyma, Agraslygyň tutmaz egnimden siltäp. Arkamda dag baryn duýdum hemişe, Belki, şol umytdyr meni itekläp Şu ýollara alyp gelen boş duýgyň Ýerine tükenmez ynam dolduryp, Kalbyma guýupdyr birçak bäbekkäm Hemmeden seň maňa ynamdarlygyň Hut şonuň üçinem agalarymdan Artykmaç söz eşitsem saňa şugullap, Olaryň öňünde günä galanym. Ah, ol günler, gör, nähili gowudy... Goýberen hatalam kalbyň dilmesin. Kaka, şo-ol kiçijik gyzjagaz bolup, Saňa ähli zady aýdyp bilsedim. *** Güni ýyldyz edip bormy, Ýyldyz öwrülermi Güne? Bu dünýede ähli zatlar Özün ýaşap bilýär diňe. Men sen bolup bilmerin hiç, Sen men boljak bolup ýörme, Diýenlerim diňle hemem Ony gursagyňa ýörme. Her kimiň öz aýasy bar, Parhlydyr aýak yzy hem. Bu dünýede asla hiç wagt Bolup bolmaýar deňme-deň. Düşünjek bolýan saňa-da, Kyndyr ilkinji göçmeklik. Ýöne welin aňsat düşmez Ýanyp ýörene öçmeklik. • ÖMÜR Şu güne çen edenlerim Güpläp gürlärlik däldir. Meni menzile getiren Ýollaryň ýodasy kändir. Ýaşlygyň ömri az bormuş, Hut şonuň üçin bu ýola Çykdym. Arkamda gülberim, Men ýaşamak üçin geldim, Ana, şoň üçin ölmerin. Ýaşlygym, ýalbarman saňa, Sen barybir ötegçisiň. Saklap bolmajagy anyk Bu dünýäniň ötegçisin. Çagalyk gidipdir birçak Onuň gapysyn ýaparyn. Eý, ýaşlygym, gadyrdanym, Seni ýitiren halatym Men başga zady taparyn. Gülnar GELDIMYRADOWA. | |
|
√ "Gelin jan..." / Goşgular - 26.03.2024 |
√ Estagfurullaly bentler / Goşgular - 14.02.2024 |
√ Erjellik / Goşgular - 05.01.2024 |
√ "Garrap ýörünmi ýa men..." / Goşgular - 01.01.2024 |
√ Tilki bilen üzüm / basnýa / Goşgular - 10.01.2024 |
√ Salam, Türkmenistan! / Goşgular - 01.01.2024 |
√ Günüñ monology / Goşgular - 01.01.2024 |
√ Kyrk ýaşa ýeteniñde / Goşgular - 03.02.2024 |
√ «Превратила всё в шутку сначала…» / Goşgular - 29.02.2024 |
√ Победителям / Goşgular - 29.02.2024 |
Teswirleriň ählisi: 1 | |
| |