Bagyşlawer eljiresem

BAGYŞLAWER ELJIRESEM

Senden eziz nämäm bar meň?!
Erkim emriňden ejizdir.
Hantama dälsiň uly zat,
Bilýän, biçäre ejizden.
Sensiz günler serdi meni,
Sebäpsiz ýykyldym ýere.
Emma Seniň merhemetiň
Giňlik berer ýüregime.
Howaýy men. Hut, şoň üçin,
Howa basýan deý depämden.
Ýene-de suw berjek Özüň,
Bilýän, dodaklam kepände.
Güneş gözüm deşip barýar,
Bagyşlawer eljiresem…
Garaňky gonandan ýere,
Kör boldy bar penjireler

Gülnar GELDIMYRADOWA.