Göwnüm, ýaraty guşum

GÖWNÜM, ÝARATY GUŞUM

Göwnüm, ýaraty guşum,
Ganatyň syndymy seň?!
Mähekdi akyl-huşuň,
Halatyň syndymy seň?!

Ýollar uzak, işler çatak,
Hyýallar tez, bagt ýatak,
Ýyldyzyň deňine ýeten
Halatyň syndymy seň?!

Kamatyň görkli emma,
Neçüýn gözüňde gam ba.
Menziller içire ýa –
Adalatyň syndymy seň?!

Ýekirlip galanyňda,
Gamyň tüm äleminde,
Ýyldyzyň süýndümi seň?!

Aç perýadyň öňünde,
Dostuň, ýadyň, öňünde,
Bir zatdan müýnlümi sen?!

Gurbandurdy ORAZOW.