11:32 Gözleme | |
GÖZLEME
Agtaran tapar, elbetde, “Tapylmaz” diýip gözleme. Geçirme ömrüň ezýetde, Bir geçse haýyp gözleme. Per berme gama, perýada, Öwren, çulum bol her zada, Ýüzüp geç tereň derýadan, Kürekdir gaýyk gözleme. Dury, ýokdur bulanygy, Baky bagtyň bulagydyr, Pyraga tut gulagyňy Hem ondan beýik gözleme. Ýol ýöre, söhbete goşul, Sungatdan tap göwün hoşuň, Kitap bolsun ýarty goşuň, Ýok zatdan keýp gözleme. Ýyldyz bol garaňky tümde, Çyn benewşe biter çymda, Tez jerenler dagda, gumda, Jeňňelden keýik gözleme. Al durmuşdan öz paýyňy, Bol hoş sözleriň maýyly, Ýykma kişiň raýyny, Ýykaňsoň seýik gözleme. Ýagşylyk eýle sen ile, Tut mydam göwnüň kemine, Dostuňdan saklama kine, Iliňden aýyp gözleme. Gurbandurdy ORAZOW | |
|
√ Gowy görülen goşgy / Goşgular - 05.01.2024 |
√ Ak buýnuzly ak maral / Goşgular - 01.01.2024 |
√ Käbir aýallara melek diýýäñiz / Goşgular - 04.02.2024 |
√ "At bilen kowalap gördüler ony..." / Goşgular - 01.01.2024 |
√ Owadan pyçak hakynda erteki / Goşgular - 09.04.2024 |
√ Siziñki / Goşgular - 30.01.2024 |
√ Göreş / Goşgular - 11.02.2024 |
√ Meniñ monologym / Goşgular - 01.01.2024 |
√ Erjellik / Goşgular - 05.01.2024 |
√ Жизнь / Goşgular - 29.02.2024 |
Teswirleriň ählisi: 2 | |
| |