Güýz

GÜÝZ

Güýz geleni bildirýär-le,
Howañ az-kem towlanşyndan.
Bulutlaryñ al-asmanda
Ters aýlanyp köwlenşinden.

Ýanynda ýap-salmalaryñ
Duýýan guşlañ şowhunlaryn.
Çigrek degen almalaryñ
Tagamlarnyñ gowlanşyndan.

Bagyñ içi saljynjak ýer,
Ýigit söýer, gyz hem söýer.
Gijä galsak, ýarym diýer:
"Ýör, gideli, oglan, mundan!"

Synla ýeriñ kesmeklerin,
Bag bes eder ösmeklerin,
Yzgar çeker kesekleriñ
Aýak asta owranşyndan.

Tallaryñ ýapragy soldy,
Aşak gaçdy, ýere gondy.
Howa per dek ýumşak boldy,
Tikinäýseñ ýorgan şundan.

Atamyrat ATABAÝEW.