Главная » 2021 » Aprel » 12 » Hatyra
17:00

Hatyra

HATYRA

(HALYPA MUGALLYMYMYZ DURDYMYRAT REJEPOWYŇ ÝAGTY ÝADYGÄRLIGINE)



“Ýaşap ýadanlara ýatmak ýaraşýar...”
Ilmät Gurbanow.

Çyn dag ýykylmaýar, ölmeýär çyn är,
Senem aramyzda dirisiň, diri!
Käriň ýagşylykdy, gylygyň — hünär,
Uzak ömre rowa görülse biri,
Şol sen bolmalydyň…
Bolmaly däldik
Ylym atasyny aldyran zürýat.
Sebäp, biz az däldik,
Az däldik, mugallym.
Kändik…
Şonuň üçin çekilýän perýat
Dagdan agramlyka, güýçlükä herhal,
Karamdyr, halypam, säherde batmak.
Sen deý ýadamazak ynsana-ha däl,
Ýaşap ýadana hem ýaraşmaz ýatmak…

12.04.2018 ý.

Sapa HOMMADOW.
Категория: Goşgular | Просмотров: 560 | Добавил: Pegas | Теги: Sapa Hommadоw | Рейтинг: 2.0/2
Awtoryň başga makalalary

Goşgular bölümiň başga makalalary

√ Tazy / Goşgular - 30.01.2024
√ Gije hem gündiz / Goşgular - 07.02.2024
√ Garyp köñlümiñ soltany / Goşgular - 21.02.2024
√ "Gelin jan..." / Goşgular - 26.03.2024
√ Wiswisi lakamly obadaşymyň ömür beýany / Goşgular - 25.03.2024
√ Çarwa arabyñ söýgüsi / Goşgular - 10.02.2024
√ Жизнь / Goşgular - 29.02.2024
√ Победителям / Goşgular - 29.02.2024
√ Salam, Türkmenistan! / Goşgular - 01.01.2024
√ Göreş / Goşgular - 11.02.2024

Teswirleriň ählisi: 11
0
1 nurgeldiyewam232  
691
Gowy ýatlama goşgy bolupdyr. Suratdaky körpeje naşyja eken.
Ýöne bilmedim-dä. Uzak ömür diýilýän zat seniñ ýagşylygyña eden işleriñe görä berilýän baýrak dälde. Käşgä şeýle bolsada gowy adamlar uzak ýaşasa.
Mekdep okuwçysy wagtym edebiýat dersinde Gurbannazar Ezizow temasy geçilende bir goşgy ýazypdym. Soñ gowşak gören bolsam gerek hiç ýere hödürlemändim.
Şeýle setirler bilen başlanýardy:

Her kime birhili ömür biçilýär.
Kimisine gysga kimine uzak
Saña biçilipdir bir gysga ömür
Emma ruhuñ welin baky gelipdir.

Siziñ halypañyz hem şeýle adamlardan bolsun. Ýatan ýeri ýagty bolsun!

0
2 myhman  
732
haladym.

0
3 myhman  
732
ýaşuly nirede mugallymdy?

0
4 Pegas  
98
Mugallymçylyk institutynda. Ýokary okuw jaýlary üçin "Türkmen çagalar edebiýaty" okuw kitabynyň hemem mekdep kitaplarynyň birnäçesiniň awtory. 47 ýaşynda gitdi.

0
5 Ahmet  
634
Ýatan ýeri ýagty bolsun mugallymyň! Gowy adamdy...

0
6 Pegas  
98
Ýazyşyňy halamadym. Трезвый adamyňky ýaly däl eken.

0
7 Bagabat  
43
Iman baýlygyny bersin, bendä!
Bir ýerde gören ýüzüme meňzedýän. Pahyr. Känem ýaşamandyr.
Suratda bolsa iň gynandyrýan zat, gapdalyndaky çagajyk. Haýykdyrýar. Ese-boýa galyp ulalanyňdan soňam-a kakasyz galmak ýeňil geçýän däldir welin, heniz aga-gara doly düşünmänkäň howandarsyz galmak diýilýän zat...
Umuman, Alla gaýrat bilen giňlik bersin-dä...

0
8 Bagabat  
43
Özümi güýçli fizionomist-ä hasaplamok. Ýöne, şu kärde hem-de pişede isleseň-islemeseň adamlaryň keşbine seredip, olary hüý-häsiýetini, ynanç-duýgusyny kesgitlejek bolup ýörmäge endik edinýär ekeniň. Şu suratyndan çen tutsaň, bu pahyr bolan bende durmuşda juda bir sadadan gelen mähirli, göwnaçyk, "ýer ýaly ýuwaş" diýilýän, gaty köp zatlary içine salyp ýören adam bolan bolmaly.

0
9 Pegas  
98
Ýalňyşmadyň. Sada, ajaýyp ynsan, sowatly pedagog, güýçli edebiýatçy, oňat psihologdy. Men bulary aýdamda emosiýamy ulanmadym. Hakykatdanam hakyky YNSANDY.

0
10 Gumlygelin  
8
"Ýagşy adam ýatdan çykmaz".Jaýy jennet bolsun.

0
11 Garaýolly  
27
Yatan yeri yagty,imany hemra bolsun.Yzynda galanlaryna uzak omur bersin.

Teswiri diňe saýta agza bolan ulanjylar goşup bilýär.
[ Agza bol | Saýta gir ]