11:04 Seni wada berdi | |
SENI WADA BERDI
Çalyşsa-da dünýäň reňki, Şatlyk — köne, gaýgy — öňki... Başym alyp çykdym, çünki Ýollar seni wada berdi. Demim kä gyzyp, kä sowap, Hersinde aldy bir sogap... Türkmeniň kalbyna kybap Göller seni wada berdi. Arşda aglap, kürse gaçsam, Kalp gapymy terse açsam, Dogry bilsem, dürse gaçsam, Allar seni wada berdi. Gussa dolup dogan Aýlar, Düzler, käller, çeşme-çaýlar, Saharalar, Gimalaýlar, Niller seni wada berdi. Gursagym dar, jahan ýaly, Gursagym gar basan ýaly... Dagdan aglap akan ýaly, Siller seni wada berdi. Tolkun ýaly dyňzap duran Duýgy kalpda müň hal gurar... Didelerňe meňzäp duran Köller seni wada berdi. Görmedigmi Görmüş olan, Almadygmy Bermiş olan Hem “Hak” diýip derwüş olan Iller seni wada berdi. 20.08.2022 ý. Sapa HOMMADOW. | |
|
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Rubagylar / Goşgular - 01.01.2024 |
√ Çarwa arabyñ söýgüsi / Goşgular - 10.02.2024 |
√ Estagfurullaly bentler / Goşgular - 14.02.2024 |
√ Soltan / Goşgular - 27.03.2024 |
√ Siziñki / Goşgular - 30.01.2024 |
√ "Bagşylara" / Goşgular - 07.02.2024 |
√ Gije hem gündiz / Goşgular - 07.02.2024 |
√ Nar / Goşgular - 22.04.2024 |
√ Meniñ monologym / Goşgular - 01.01.2024 |
Teswirleriň ählisi: 2 | |||
| |||