21:04 Haýyş | |
■ HAÝYŞ
Gitdiñ ömür gaýdyp gelmerin diýip, Aýralyk derdini çekýän ýürekde. Söýüp garşylapdym, ugratdym söýüp, Biz birek-birege, bilýän, gerek-le. Ýöne düşme maña getirýän ýoda, Giden durna deýin gelme sen gaýdyp... Söýemsoñ batýaryn soñsuz alada, Gaýdyp gelseñ, söýgim bozarsyñ öýdüp. ■ MARALYM Maralym, gaşlaryñ ykbaldyr goşa, Ýazylsa - ýazydyr ýaz deý kalbymyñ. Çytylsa - müñ bela getirer başa, Dag-daşa degdigi bolar alnymyñ. Ýaman gözden sowsun bizi ýagşy päl, Kirpikleriñ çümüp dursun bagryma. Olar, läläm, sorag alamaty däl, Ýüzlenme belgisi bolsun şygryma. ■ SÖÝGI Ozal söýlüp, söýmedim, Murtumyñ taban wagty. Soñra söýdüm söýülmän, Kalbymyñ awan wagty. Gaçdy dünýä höwesim, Söýgimiñ öçen wagty. Ahyr söýdüm söýülip, Bagtymyñ uçan wagty. Aşyrguly BAÝRYÝEW. | |
|
√ Dostluk hakda / Goşgular - 18.02.2024 |
√ Wiswisi lakamly obadaşymyň ömür beýany / Goşgular - 25.03.2024 |
√ Şemally gün / Goşgular - 27.01.2024 |
√ Tilki bilen üzüm / basnýa / Goşgular - 10.01.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Was-wasylara... / Goşgular - 23.01.2024 |
√ Hasap / Goşgular - 18.02.2024 |
√ Moskwadan görýärler / Goşgular - 30.01.2024 |
√ Suwdan ot çykaran goşgy / Goşgular - 31.01.2024 |
√ Lenç edilen nakyl / Goşgular - 05.02.2024 |
Teswirleriň ählisi: 0 | |