KAKAMYŇ WESÝETLERI

KAKAMYŇ WESÝETLERI

Atyňy ýeke çapma!
Ýol uzakdyr, köteldir,
Oglum, senden ekabyr
Şowsuzlyklar ýatandyr.
Durmuş saňa ümmülmez
Çözülmedik mataldyr.

Zyň badyhowalygy,
Taşla diş sogran ýaly.
Il-günüňden daş düşme,
Çagyr deňi-duşlaryň
Ojagyňda aş bişse,
Sora halyn-ahwalyn.

Ýalňyz özüň gyşlama,
Gyşla il bilen, oglum.
Guýa kesek taşlama,
Taşlama gülem, oglum.

Boýun burma durmuşyň,
Ezýetine, emrine.
Diliň gysga bolandan,
Gysga bolsun ömrüň eý!

Gurbandurdy ORAZOW

#«Hijran Halkasy» kitapdan 4-nji goşgy