19:46

Kimden gorkmaly?

KIMDEN GORKMALY?

Gorkma sen, nesihatym,
Gorkma sen edenliden,
Näçe güýjüň bolsa-da,
Gorkgunyň ejizlerden.

Kaýyl bol mert kişiniň
Ýüreginiň emrine.
Gorkma, ony sakçy goý,
Öýüňe däl, ömrüňe!

Ejiz bolsa gork ondan,
Uly ýagy - ejizlik!
Ejizligiň bar ýeri -
Tükeniksiz ejirlik!

Ejizlikdir, unutma,
Gülleri soldurýan zat.
Unutma, ejizlikdir
Güýçlini öldürýän zat!

* * *

Gahara gujak açdym,
Utdurdym.
Gahary görüp gaçdym,
Tutdurdym.

Gahara gahar etdim,
Beýgeldi.
"Hä, muny nähak etdim..."
Diýsem, eýmendi.

Gahar meý uzatdym,
Dübledi.
Gahara toý düzetdim,
Güwledi.

Gahara halat ýapdym,
Esedi.
gahara gülüp bakdym,
Peseldi.

SÄHER HÜWDÜSI

Ýaz ýagyşy, ýuwsana
Ýeri ähli beladan.
Ýuwsana gaýgy-gamdan,
Ýuwsana bar naladan.

Säher ýeli, ýazsana
Şol päk ýerde owadan
Gülli keçäni düşek,
Dem-dynjyn alsyn adam...

Nury BÝARAMOW.

"Edebiýat we sungat" gazeti, 28.01.1983 ý.
Категория: Goşgular | Просмотров: 175 | Добавил: Haweran | Теги: Nury Baýramow | Рейтинг: 0.0/0
Awtoryň başga makalalary

Goşgular bölümiň başga makalalary

"Gitdim senden ilerledip ümzügi..." / Goşgular - 01.01.2024
Kyrk ýaşa ýüzlenme / Goşgular - 03.02.2024
Sumbaryñ kenarynda / Goşgular - 01.01.2024
"Diýdiñ: Gelin bolup görkezeýinmi?.." / Goşgular - 14.02.2024
Победителям / Goşgular - 29.02.2024
Жизнь / Goşgular - 29.02.2024
Kyrk ýaşa ýeteniñde / Goşgular - 03.02.2024
Käbir aýallara melek diýýäñiz / Goşgular - 04.02.2024
Suwdan ot çykaran goşgy / Goşgular - 31.01.2024
"At bilen kowalap gördüler ony..." / Goşgular - 01.01.2024

Teswirleriň ählisi: 1
0
1 Milaýa0409  
1391
Hakyky, ejizlerden gorkmaly...

Teswiri diňe saýta agza bolan ulanjylar goşup bilýär.
[ Agza bol | Saýta gir ]