00:18 Maglumat | |
MAGLUMAT
Arzuwyna ýeten ony täzelär, Arzuw süýji, ondan doýar öýütme. Näme berseñ, näçe berseñ azdyr ol, "Besdir, indi boldy" diýer öýütme. Adam bar - adam bar, elbetde, görýän, Gördükçe-de oña galýaryn haýran. Ene süýdi bilen süññüne ornan, Köneje gylygyn goýar öýütme. Entek döwran sürýärkä bu dünýäde, O dünýäni salar diýmegin ýa-da. Hol çetdäki ala gözli pyýada Haram tapsa, halal iýer öýütme. Aýdylan nakyllar oña ýokmandyr, Seret ahyr, bu nähili ahwaldyr: "Uýma" diýseñ, uýaýmagy ahmaldyr, "Uýaý şoña" diýseñ uýar öýütme. Özi üçin perwanadyr, perwana, Berseñ alar, Milti ýokdur bermäge. Bähbidi bolmasa, her bir barýana, Saçak ýazar, towuk soýar öýütme. Oka gelmez, ökdeländir öwrüme, Gargyşym ýok, bolsun işi ugruna, Allañ özi dürtäýmese böwrüne, Öz kemini özi duýar öýütme. Berdinazar HUDAÝNAZAROW. "Watan" gazeti, 1995 ý. | |
|
√ Alabahar / Goşgular - 21.03.2024 |
√ "Garrap ýörünmi ýa men..." / Goşgular - 01.01.2024 |
√ Was-wasylara... / Goşgular - 23.01.2024 |
√ «Отвергнув гордое сомненье…» / Goşgular - 29.02.2024 |
√ Suwdan ot çykaran goşgy / Goşgular - 31.01.2024 |
√ Ömrümiñ manysy bolmaly zenan / Goşgular - 05.02.2024 |
√ Erjellik / Goşgular - 05.01.2024 |
√ Soltan / Goşgular - 27.03.2024 |
√ Tilki bilen üzüm / basnýa / Goşgular - 10.01.2024 |
√ Kyrk ýaşa ýüzlenme / Goşgular - 03.02.2024 |
Teswirleriň ählisi: 0 | |