17:59 "At bilen kowalap gördüler ony..." | |
"AT BILEN KOWALAP GÖRDÜLER ONY..."
At bilen kowalap gördüler ony, It bilen düşdüler onuñ yzyna. "Ýelesinden barsañ ys alýar" diýip, Awçy aç möjegiñ geçdi ygyna. Onuñ häsiýetine beletdi awçy, Hasaplydy her bir ätjek ädimi, Ýöne bu ýagdaýa düşen möjegem Gowy tanaýardy öz jelladyny. Ýalañaç çölde däl, ak tokaýlykda Janhowluna özün urup her ýana. Mejaly gaçsa-da, eñki agsa-da, Garaz, gaçýan aldyrmady kowýana. Daragtlaryñ şahasyndan gar gaçýar, Gün hem barýar öz ýoluny ortalap. Ine, birdenkä-de güwläp-gürrüldäp, Dik depede peýda boldy wertolýot. Atyljak top kimin düýrüldi möjek, Çal böri agzyny hatap dek açdy. ...Birden onuñ gan guýulan gözleri Asmandan çenelýän ýaraga düşdi. Gapdaldaly berýozany nazarlap Ok bolup atyldy aljyran haýwan. Agaja ýelmenip ýüzinligine Germesatan bolup durşuna haýran! Çal bulutlañ aşagynda bir ýerde Baş ýaýkaýar çür depesi daragtyñ Gözüñ aýdyñ, Gözüñ aýdyñ, janawer, Bu gezegem hernä getirdi bagtyñ! Berdinazar HUDAÝNAZAROW. | |
|
√ «Превратила всё в шутку сначала…» / Goşgular - 29.02.2024 |
√ Düýşgowuran / Goşgular - 08.04.2024 |
√ Ak buýnuzly ak maral / Goşgular - 01.01.2024 |
√ Täjir tanşyma / Goşgular - 16.01.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Sumbaryñ kenarynda / Goşgular - 01.01.2024 |
√ Suwdan ot çykaran goşgy / Goşgular - 31.01.2024 |
√ "Bagşylara" / Goşgular - 07.02.2024 |
√ «Отвергнув гордое сомненье…» / Goşgular - 29.02.2024 |
√ Победителям / Goşgular - 29.02.2024 |
Teswirleriň ählisi: 2 | |
| |