Главная » 2021 » Iýul » 15 » "Men goşgy ýazmaryn"
14:16

"Men goşgy ýazmaryn"

"MEN GOŞGY ÝAZMARYN"

(edebi ýañsylama)

"Men goşgy ýazmaryn şu günden şeýläk,
Eñräbem durmasyn ýüregim zar-zar.
Bilmese bir gyzyñ başyny aýlap,
O goşgy, ol talant nämäme derkar".
Nobatguly Rejebow / "Topragyñ tagamy", 52 sah.

* * *

Uzak gije azap beren goşgulam,
Bilmedi bir gyzyñ başyny aýlap.
Şonuñ üçin jar çekýärin adamlar,
Men goşgy ýazmaryn şu günden şeýläk.

Çaýly çäýneklermi sowadan goşgym,
Iberdim gyzlaryñ gözelne saýlap.
Şojagaz perini yraýan bolsam,
Bir elpe-şelpelik etjekdim toýlap...

Başga bir doñýürek gyzjagaz bolsa,
Eliniñ tersine zyñaýdy şygry.
Wah, bi yşgyñ ýodasynda adamlar,
Ýyldyza ýörän dek bolaýýar ugrum.

Talantam bar mende, bolanda näme,
Bilmese bir gyzyñ başyny aýlap.
Walla, çynym, ynanyñ siz adamlar,
Men goşgy ýazamok şu günden şeýläk.

Söýün AMANDURDYÝEW,
Sakarçäge raýony.

"Edebiýat we sungat" gazeti, 1986.
Категория: Goşgular | Просмотров: 293 | Добавил: Haweran | Теги: Söýün Amandurdyýew | Рейтинг: 5.0/1
Awtoryň başga makalalary

Goşgular bölümiň başga makalalary

√ Suwdan ot çykaran goşgy / Goşgular - 31.01.2024
√ "Bagşylara" / Goşgular - 07.02.2024
√ Aldawçynyñ pañ-pañy / Goşgular - 18.01.2024
√ Göreş / Goşgular - 11.02.2024
√ Şemally gün / Goşgular - 27.01.2024
√ Ýagyş damjasy / Goşgular - 24.03.2024
√ Garaş maňa / Goşgular - 17.02.2024
√ Nädip ýaşamaly?! / Goşgular - 13.01.2024
√ Düýş hem ýagyş / Goşgular - 09.01.2024
√ Wiswisi lakamly obadaşymyň ömür beýany / Goşgular - 25.03.2024

Teswirleriň ählisi: 3
0
1 mekanbaylyyew18  
800
"Walla, çynym, ynanyñ siz adamlar,
Men goşgy ýazamok şu günden şeýläk."

Ynanyan. Ýöne sizem söz beriň indi mundan beýläk goşgy ýazmaşak ýokdyr

0
2 Hyýalkeş  
752
Adatça, haýsy hem bolsa bir şahyryñ goşgusy epigraf edilip alnanda şol pikirden ýola çykyp başgaçarak pikire barylýar. Şeýdilse, gowy.

"Gyz söýgi goşgusyn ýyrtyp taşlady"

Nobatguly Rejebow

Ýaş ýigit hat ýazdy söýen gyzyna
Synlap sere gelen süýji sözüni.
Gyz haty bir demde ýyrtyp taşlady
Çyg şemala tutup agras ýüzüni

Mähir siñen owram-owram kagyzlar
Ahmyr bolup kän gezdiler howada
Bir aşygyñ ýürek sözi bolansoñ
Şemal ony apalady doga deý.

Ahyrynda jandan syzlan jümleler
Göge galyp göterildi buluda
Bir sähetli gün düşdüler zemine
Güýçli sepeleýän ýagyş boldy-da.

Ýigdiñ zaryn sözlerini aýdýan deý
Birde çisñediler, birde diñdiler
Yşky ýürek bilen syzmagy üçin
Şol gözeliñ gursagyna siñdiler.

Öwrenjeräk ýazanjalarymdan biri. Dogrusy şu wagt diñe şu mysal ýadyma düşdi.Şu ýerde goşgy Nobatguly agañ setirinden ylham alynyp, düýpgöter başga tarapa gidýär.
Bu goşguda şahyryñ pikrini beýan edişi tebigy, gowy. Ýöne Nobatguly agañ pikrinden daşyna çykyp bilmändir. Şol pikriñ giñeldilen görnüşi ýaly bolupdyr.

0
3 Hyýalkeş  
752
Elbetde bärde şahyr täze ideýa gozgamak maksady bilen däl-de ýokarda ýazylyşy ýaly diñe "edebi ýañsylama" maksady bilen ýazan bolsa ony tankytlamaga esas ýok.
(teswir ýazandan soñ görýä diýýä-dä ýokardakyny :))

Teswiri diňe saýta agza bolan ulanjylar goşup bilýär.
[ Agza bol | Saýta gir ]