08:53 Men şäherli bolsam-da... | |
MEN ŞÄHERLI BOLSAM-DA...
Gözüm açyp gördüm güñleç şäheri, Şäher merkezinde geldim kemala. Ýaşlyk ýelginine ýelek deý gaýyp, Köwşümi tozdurtdym asfaltly ýola. Şowhunly barlaryñ, restoranlaryñ, Keýpin gördüm, gyzlar bilen tans etdim. Her hal gowluk bilen, düzgünden çykman, Dyzmaç göwnümiñ matlabna ýetdim. Bilmedim näm bolýar soñky döwürde, Wagtal-wagtal oba gitsem diýýärin. Gizlejek däl, men şäherli bolsam-da Ýaşlygymdan obalary söýýärin. Itleriñ sesine zar boldum diýsem, Bilýän, bolar bu diýýänim geñlejek. Oba barsam, iñ bärkisi, gijeler Gurbaganyñ "söhbetini" diñlejek. Birsellem dolanyp oglanlygyma, Kömelekli meýdanlara aýlanjak. Obañ gowy päli, arzuwy bile Men ýene-de şäherime şaýlanjak. Kowus OMADOW. | |
|
√ "Ulag gidip barýar..." / Goşgular - 28.04.2024 |
√ Gökdepäm / Goşgular - 22.03.2024 |
√ Owadan pyçak hakynda erteki / Goşgular - 09.04.2024 |
√ Çarwa arabyñ söýgüsi / Goşgular - 10.02.2024 |
√ Goltugy daşly adam / Goşgular - 05.01.2024 |
√ Was-wasylara... / Goşgular - 23.01.2024 |
√ «Превратила всё в шутку сначала…» / Goşgular - 29.02.2024 |
√ Atsyz goşgy / Goşgular - 31.01.2024 |
√ Sumbaryñ kenarynda / Goşgular - 01.01.2024 |
√ Ak buýnuzly ak maral / Goşgular - 01.01.2024 |
Teswirleriň ählisi: 0 | |