Mes gelin

MES GELIN

Ilki ärin aýlap urdy başyndan,
Aýlap urdy maşgalasyn, mesgenin.
- Men şahyr bolmaly!
Ajaýyp şahyr! -
Aýgytly karara geldi mes gelin!

Aýlap urdy şerim bilen haýany,
Aýlap urdy namys bile messebin.
Tammanyndan tug edinip,
paýtagta,
Poeziýa ýöriş etdi mes gelin!

A poeziýa pukaraja metjitdi,
Ýaşaýardy hikmetinden Allanyñ!
....Metjide girilýär köwşüñ çykaryp,
Keýgim, alyp gelewergi tammanyñ!..

1977 ý.

• SAÝRY GYZ

Goý, Muhammet çyksyn meniñ hakymdan,
Isa pygamber hem bersin jezasyn.
Sejd edip öpdüm men kapyr haçyndan,
Boýnundan asylyp zyba jenanyñ.

Eý, Allam, magşarda delalat biýrsiñ,
Yşga - döz gelen, heý barmy diride.
Men ak saçly gyzyñ, goýnuna girdim,
Ak saçly gyz girdi meniñ dinime...

1977 ý.

Nobatguly REJEBOW,
Türkmenistanyñ Halk ýazyjysy.