Nurgözele

NURGÖZELE

Geçen günleriňi unudyp bolarmy,
Geljegiňi söýmän bolarmy eýsem?!
Men islämok seniň gül dek solanňy,
Maňa besdir sen ýylgyrsaň, al geýseň.

Maňa besdir sallançagmyz, saçagmyz,
Boş bolmasa,
Hoş bolmasa rakyplar,
Görüp gözümizden ýaşyň gaçanny.
Hem sen bolsaň,
Hem sen bolsaň rafyk ýar!

Maňa besdir göwrümi giň Watanmyň,
Göwrümi giň il-günümiň içinde.
Gam-hasrat getirmese batan Gün,
Ýaşasak biz il öňünde kiçelmän.

Maňa besdir ýel-ýagmyra dözmeseň
Söýgimizi,
öçürmeseň oduny.
Men söýgiňden uly durmuş görmedim
Hemem dünýäň senden gowy zadyny.

Gurbandurdy ORAZOW.