05:54 Obam | |
OBAM
Aslyşdym ýelleriň öwsende pessaý, Süýndüm ýüpek ýollaryňda keýik deý. Meni dostlarymyň sözünden pes saý, Göripleriň gybatyndan beýik goý. Palaç boý gyzlaryň söýdüler meni, Bugdaý ýagyşlaryň ýagdy aýama. Sen – pikir kalbymda döräňok heniz, Seniň özüň, özüň hakda poema. Öýleň üçeklerni ýyldan al Günüň Ýyldar meniň ýüregimi uzakdan. Baglaň galmaz arasynda salgymyň, Almalarňa elim ýeter uzatsam. Kalbym güberçeklär, göwnüm göterler, Magşar ýassygynda galmaz armanym. Görsem tamdyrlaňdan göge göterlen Tüsseleriň burum-burum barýanyn. Ýolum çapraz gelse, düşsem senden yrak, Aý göge galanda, bolanda aýdyň. Gaýgyçyl tallaryň şonda hellewläp, Aýdar ömrüm hakda gussaly aýdym. Şol aýdymdan enem tapar teselli, Şol aýdymdan ýar gözýaşy kiparlar, Beýle bolmaz, bolar aman-esenlik, Hijran kölge salmaz apy-tupan deý. Kekre hasratlara batyp galmaryn, Diýme: “Bir oglumyň ýeri gädik bor”. Asmanyň diregi ýaşyl tallaryň Şanyma gurulan ýadygärlik bor. Gurbandurdy ORAZOW. | |
|
√ Soltan / Goşgular - 27.03.2024 |
√ Kyrk ýaşa ýüzlenme / Goşgular - 03.02.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Ýagyş damjasy / Goşgular - 24.03.2024 |
√ Sumbaryñ kenarynda / Goşgular - 01.01.2024 |
√ Nädip ýaşamaly?! / Goşgular - 13.01.2024 |
√ Är garrar... / Goşgular - 30.04.2024 |
√ Täjir tanşyma / Goşgular - 16.01.2024 |
√ «Превратила всё в шутку сначала…» / Goşgular - 29.02.2024 |
√ Käbir aýallara melek diýýäñiz / Goşgular - 04.02.2024 |
Teswirleriň ählisi: 0 | |