Главная » 2021 » Iýun » 11 » Perzendi men
16:30

Perzendi men

PERZENDI MEN

Bu barlykda ýaşamaga ýeterlik,
Öz günüm,öz aýym,asmanym maña.
Hüwdülenip gujagynda gijeleñ,
Bagt atyp duran ak dañym maña.

Diýselerem çarkandakly bu ýollar,
Özge ýodalarda men taýjak ýaly.
Bu toprakdan aýak üzäýsem eger,
Ýüregmiñ urgusy togtaýjak ýaly.

Özge ýurda çagyrmañ siz gol bulap,
Mundan geçip baryp bilmen barybir,
Ajy bolsun,süýji bolsun kaýyl men,
Şu toprakda näme berse Biribar.

Goý bolaýyn bu toprakda saýyl men,
Janymyñ parçasy onuñ bar zady.
Sebäbi men diñe şu Watan üçin,
Şehit bolan pederleriñ perzendi.

Gyzylgül ANNAGYLYJOWA.
Категория: Goşgular | Просмотров: 381 | Добавил: Gumlygelin | Теги: Gyzylgül Annagylyjowa | Рейтинг: 3.7/3
Awtoryň başga makalalary

Goşgular bölümiň başga makalalary

√ Çarwa arabyñ söýgüsi / Goşgular - 10.02.2024
√ Ak buýnuzly ak maral / Goşgular - 01.01.2024
√ Победителям / Goşgular - 29.02.2024
√ Atsyz goşgy / Goşgular - 31.01.2024
√ "At bilen kowalap gördüler ony..." / Goşgular - 01.01.2024
√ Sowuk söz / Goşgular - 31.01.2024
√ At galar / Goşgular - 11.02.2024
√ Hasap / Goşgular - 18.02.2024
√ Rubagylar / Goşgular - 01.01.2024
√ «Превратила всё в шутку сначала…» / Goşgular - 29.02.2024

Teswirleriň ählisi: 7
0
1 bbaygeldiyew  
770
Diýselerem çarkandakly bu ýollar,
Özge ýodalarda men taýjak ýaly.
Bu toprakdan aýak üzäýsem eger,
Ýüregmiñ urgusy togtaýjak ýaly.

Genneje gowy bolupdyr minnetdar.Nusga alarlyk kän içinde

0
2 mango  
651
Bu toprakdan aýak üzäýsem eger,
Ýüregmiñ urgusy togtaýjak ýaly.

topraga baglanmak...
erbet zadam däl-le welin...
baran topragyňam ikinji watan bolýar-a...
hemem, dil bilseň (iňlisçe), käriň bolsa, tehnologiýadan baş alyp çyksaň hiç toprakda-da hor bolunmazmyka diýýän...
---
Goý bolaýyn bu toprakda saýyl men,
Janymyñ parçasy onuñ bar zady.

bu topraklar (üsti we asty bilen) gedaý (saýyl) bolunjak topraklar däl ahyryn....
şu köp nokatlarym bar-a (...) dilimi dişläp-dişläp zor salyp saklaýan ýerlerim...
... ... ... (ganap başlady)

0
3 Gumlygelin  
8
@Baýgeldiýew sag bol hoş sözler üçin.

0
4 Gumlygelin  
8
@mango...bellikleñ üçin sag bol dogan.Belliklerñe begendim.Emma ....üçin diliñi ganadanyña gynandym.

0
5 mango  
651
Счастлива страна, у которой есть поэт!
Счастлив поэт, у которого есть страна!

diýen eken Ýan däde, ýagny, şeýleräk:
Bagtyýardyr ol ýurt, şahyry bolan ýurt!
Bagtyýardyr ol şahyr, ýurdy bolan şahyr!

garaz, ýurda şahyr gerek, şahyra-da ýurt.

0
6 Gumlygelin  
8
Dogry @mango dogan.

0
7 beghan  
Süýji setirler! Gapdalyndan çaý goýmaly.

Çary Ýegenmyradyň "Öwrenişdim" atly goşgusy bardy. Ana, şoň tagamy ýerinde. Hem şu goşgy bilen manydaş. Emma bu goşgy telewideniýede aýdylýan sözler ýaly ýakymly, asuda, parahat...

Teswiri diňe saýta agza bolan ulanjylar goşup bilýär.
[ Agza bol | Saýta gir ]