07:41 Säher | |
Aýnabat Myradowa
SÄHER Aç gapyňy! Daň agardy bireýýäm, Gör-ä, gijeleriň göçüberşini! Käbäm diýýä - perişdeler gelermiş Säher bilen açyk duran gapydan, Mähir-muhabbetden ýükläp gerşini. Gursagyňy doldur çygly howadan, Eýsem, şu dälmidir şähdiňi açýan?! Gör, Günüňem giň asmana howlugyp Tarasy gaçýar. “Syrylyp gijäniň gara perdesi”, Çal ümsümlik ukusyndan oýandy. Günüň ilki sazyn çalan guşlaram Jürküldeşip, emaý bilen darandy. Aç gapyňy! Seret, dünýä oýanýar, Bagty tirkäp gelýär yzyna säher. Damjalaryň ýaňagynda buldurap, Damjalar tans edýär çakanyp sähel. Seret, hakykat deý dogupdyr güneş, Gözellikden doýmady-la gözlem-heý. Aç gapyňy! Daň agardy. Begenýän Sag örenme, galkyljaklap çaga deý. | |
|
√ Hasap / Goşgular - 18.02.2024 |
√ Tazy / Goşgular - 30.01.2024 |
√ Siziñki / Goşgular - 30.01.2024 |
√ Победителям / Goşgular - 29.02.2024 |
√ Meniñ monologym / Goşgular - 01.01.2024 |
√ Rubagylar / Goşgular - 01.01.2024 |
√ Ýolbars we Möjek / basnýa / Goşgular - 05.01.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Göreş / Goşgular - 11.02.2024 |
√ Alabahar / Goşgular - 21.03.2024 |
Teswirleriň ählisi: 0 | |