Salamlaşmak

SALAMLAŞMAK

Bir söz bardyr, tüm kelamdan naýbaşy,
Jümle jahan gol uzadyp eýlär sözbaşy,
Mazydan tä ertire edep-ekram gözbaşy,
Salamlaşmak keramatdyr halaýyk!

Salamat kelamdan gelendir asly,
Bihuş edip kalby belentli-pesli,
Salyhata beslär her geljek nesli,
Salamlaşmak asudalyk halaýyk!

Manysy çuň, emma aýtmasy asan,
Her millete güýçli gadamny basan,
Köňüllere pähim, zybana kasam,
Salamlaşmak danalykdyr halaýyk!

Nyşanydyr daýym sylag-hormatyň,
Dahan içre düşmän artar yzzatyň,
Döwran sürse luzumy ýok hyzmatyň,
Salamlaşmak bereketdir halaýyk!

«Edebiň belgisi salam bereni,
Ýakynlyk belgisi baryp-geleni.»
Unutmalyň hergiz bu ajap däbi
Salamlaşmak sahylykdyr halaýyk!

Mekan MÜRRÜKOW,
Döwletmämmet Azady Türkmen milli dünýä dilleri institutynyň talyby.