Saña

SAÑA

Senem üýtgäpsiñ-le täzeden bäri,
Meni ýalñyz goýup gidiberýäñ-ä.
Sag otur ýok, çag otur ýok, hoş diýmän,
Gep-gürrüñsiz, birden gaýdyberýäñ-ä.

Sen hem üýtgäpsiñ-le täzeden bäri,
Ýagyşlarda ezilenim gaýgyñ däl.
Çala çalyp darykmagyn pyçagy,
Dabanymdan ýüzülenim gaýgym däl.

Bilip durkañ bu dertleriñ agramyn,
Ýene çensiz ýük ýykýarsyñ omzuma.
Öz sözüñe gaýta-gaýta dogry diýp,
Sen düşünmän, çüý kakýarsyñ mañzyma.

Entejik ýalñyşa gyzypdy eýýäm,
Depämden ýygnaýañ asmany tutuş.
Onsoñ nirä uçsun serçe ýüregim,
Bir ýelek çäräm ýok, gel, özüñ ýetiş.

Hajymyrat AK.