Sary ýaprak

SARY ÝAPRAK

Ýene güýz. Güýz bolsa saralar ýaprak,
Ýaprak saralanda durlanýar pikir.
G.Ezizow.

Tolkun atýar ýeriñ ýüzi ýaprakdan,
Sary ýaprak,
Altyn ýaprak,
Güýz ýaprak.
Gök gürleýär,
Gara bulut çaýkanýar,
Asmanyñ ýüzünde,
Ses edýär deprek.

Ýaprak gaçýar,
Syrylýan dek ýürekden,
Güýzüm çekýär şeýle ejiz hasraty.
Agaçlañ başynda şuwlaýyp şemal,
Has güýçlenýär aýralygyñ pursaty?!

▶ BAHARYM GELDI

Geldi bu topraga, baharym geldi,
Ölmedige ýene geler bu pasyl.
Ýuwulyp, ýuwulyp ýüzi topragyñ,
Ýüzi täzelener taplansa asyl?!

Pyntyk ýaryp, ýaýylypdyr agaçlar,
Güller bir-birinden juda enaýy.
Arassa asmanda kuýaşym parlap,
Baharym owadan uly gyz ýaly.

Bu pasyly söýmedikler barmyka?!
Bu pasylda söýülmedik barmyka?!
Bu pasylda söýgiñ näzik güýjüni,
Ynsan ýüregine guýýan ýazmyka?!

Sonajemal HAÝDAR MUHY gyzy.

#edebiyatwesungat