Seni söýdüm...

SENI SÖŸDÜM

Seni söýdüm, söýüp bir gez beýgeldim.
Seni söýdüm. Has giñedi bu dünýäm.
Öz ýeñles gylygma gazaply boldum,
Öz durmuş ornuma indi düşünýän.

Adamlara has ynamly garadym.
Ýeñiş bilen tamam boldy gözlegim.
Kyn pursadym medet berdi kalbyma
Jadyly däl ㅡ seniñ ynsan gözleriñ.

''Kim men?'' Jogap tapman şu günlere çen,
Seni söýüp, kimdigimi bildim men.
Ýeñil gopdum başyñdaky öýme dek,
Diýdim: ''Ejiz bu dünýede söýmedik!''

Seni söýüp, göz ýetirdim bir zada:
Kynçylyk ýok,
Ejizlik bar dünýäde.

Gurbannazar EZIZOW