17:39 Seni ýitiren günüm... | |
Italmaz NURYÝEW
▶ Seni ýitiren günüm. Seni ýitiren günüm Nähili gündi?! Şol güne men düşünemok şindizem. Bulut gelip, Günüñ öñün örtensoñ, Gijä çalym edip durdy gündizem. Wah, ýogsam gyş günem däldi-le ol gün, Ol gün adaty bir günüdi güýzüñ. Ýöne nämüçindir eşitmeýärdim, Hemişeki bagşy guşlañ owazyn. Nirdedir bir ýerde, irmän çalynýan Dutaryñ owazam gelýärdi güñleç. Adamlañ ýüzünde, gygyrsalar-da, Ne-hä buýsanç bardy, Ne-de bir gynanç. Uçup ýören arzuwlarym- ak guşlam Gara bulduñ añyrsynda aýlanyp, Geçip bilmän, Perwaz urup ýördüler... A men bolsam, durdum diñe oýlanyp. Bir görsem, Köwüşmi-zerden ýasalan, Jadyly gaýgyñy kürekläp sen hem Gözýetime-deñze siñip barýardyñ. Barýardyñ nokada öwrülip kem-kem, Ne yzyñdan garaýardym gaharly, Ne çeksem diýýärdim ükenmez näziñ. Alasarmyk bolup, Walla añk bolup, Durdum bir özüm... Ilkinji söýgimi ýitiren günüm, Nähili gündi?! Şol güne men düşünemok şindizem. | |
|
√ Ýolbars we Möjek / basnýa / Goşgular - 05.01.2024 |
√ Gowy görülen goşgy / Goşgular - 05.01.2024 |
√ Sumbaryñ kenarynda / Goşgular - 01.01.2024 |
√ Ömrümiñ manysy bolmaly zenan / Goşgular - 05.02.2024 |
√ "Ulag gidip barýar..." / Goşgular - 28.04.2024 |
√ Täjir tanşyma / Goşgular - 16.01.2024 |
√ Dünýe... / Goşgular - 11.02.2024 |
√ Garaş maňa / Goşgular - 17.02.2024 |
√ Dostluk hakda / Goşgular - 18.02.2024 |
√ Şert / Goşgular - 09.02.2024 |
Teswirleriň ählisi: 1 | ||
| ||