Seniñ dünýäñ

SENIŇ DÜNÝÄŇ

Dünýämde ýaz kimin möwç uran serwim,
Tereň seniň kalbyň röwşi, roýy.
Ýakynlaşýar öňküler deý duýgyny,
Täzeden eçiljek dekabr aýy.

Saňa sary ýollar ýakyn. Erkim ýok-
Otly kerweni deý gatnady hatlar.
Arzuwumdy... emma ýazylman galdy,
Seniň hakda ençe-ençe sonetler.

Eçildiň ýyllaryň eçilmedigni,
Geçilsin seň bilen geljek menziller.
Gaharly, şadyýan, gamly pursatda
Bir-birege söýenişsin eginler.

Bolsa bolsun öýke-kine, iňirdi,
Söýeýin.
Söýleýin-
Ýykman raýyň.
Ertelerim seniň bilen ýagtylar,
Ýüregime gurbat berýän çyragym.

Başa öýme daňjak güniňden başlap
Seň dünýäňde müdümilik galaýyn.
Kalba siňmez ýaly dünýäniň gerdi,
Poşettonyň heňlerinden ganaýyn.

Muhammetmyrat NAZAROW.