Главная » 2023 » Iýul » 25 » Suraý Babanyýazowa ýüzlenme
16:01

Suraý Babanyýazowa ýüzlenme

SURAÝ BABANYÝAZOWA ÝÜZLENME

Sen hiç kime meňzemeýäň,
meňzemeýäň hiç bir närsä.
Ýollar ýolundan azaşýar
seni görse.

Ýöne dünÿäm,
sen birine çalym edýäň
örän-örän!?

Buluda baý tüm asmanda,
gülüp duran ýekeje bir ýyldyz bor-a,
güýzüñ güni,
bütin tenin tiken gurşan giň jülgäniň göbeginde, gül gözleýän bir gyz bor-a,
ýa meýlisde,
köp içinde ýalňyz bor-a
sen şolara çalym edýäň,
örän-örän.

Gyş geler-ä, ýary gije gar ýagar-a,
säherden öñ ýüregiňde gün dogar-a,
gözleriňi ýuman wagtyň,
tümlük däl-de, görejiňi yşk yşygy dura çekip,
garaşmaýan salymyňda, galamyňdan söz çogar-a,
şygyrlaryň şeýdalygy gam-gussany berk bogar-a,
şol salyma,
salymlara çalym edýäň,
örän-örän.

Ýekelikden uýalma mähriban uýam.
Ýeke-täklige eltip bilýän
ýekelikdir.
Ol bitinlik, tükellikdir.
Ýalňyzlykda gözýaş edýän agy:ň soňy,
Arşa çatýan şadyýanlyk,
özboluşly hekaýatdyr.
Sen hiç kime meňzemeýäň,
hiç bir närsä meňzemezlik keramatdyr.

Ýöne dünýäm,
sen birine çalym edÿäň,
örän-örän!?

Gije bar-a, gündiz bar-a,
Söz gatanda aşyk oglan, diliňde bir “hergiz” bar-a,
ýa-da "garaş, heniz” bar-a.
Meňli gyzlar uýalanda,
Goçak ýigdiň gözlerinde arzuw doly deňiz bar-a,
biçärelik sözünde bir täze many, başgaça bir maňyz bar-a,
şol sözlere diňe bir mert, Magtymgula bir yz bar-a,
Gurbannazar Eziz bar-a
sen şolara çalym edÿäň
örän-örän.

Ybrahym B. 05-2022.
Категория: Goşgular | Просмотров: 311 | Добавил: ibrahimbadakhshan | Теги: Ybraýym Badahşan | Рейтинг: 5.0/6
Awtoryň başga makalalary

Goşgular bölümiň başga makalalary

√ Puluň başarnygy barada agymtyl goşgy / Goşgular - 10.01.2024
√ Hasap / Goşgular - 18.02.2024
√ Mürze ýigit / Goşgular - 12.03.2024
√ Salam, Türkmenistan! / Goşgular - 01.01.2024
√ Rubagylar / Goşgular - 13.01.2024
√ Aldawçynyñ pañ-pañy / Goşgular - 18.01.2024
√ «Превратила всё в шутку сначала…» / Goşgular - 29.02.2024
√ Günüñ monology / Goşgular - 01.01.2024
√ At galar / Goşgular - 11.02.2024
√ Sowuk söz / Goşgular - 31.01.2024

Teswirleriň ählisi: 6
0
1 Gumlygelin0700  
1545
Salam, Ybraýym aga!
Bu goşgyñyz juda ýerine düşüp, şowly çykypdyr. Sag boluñ!

0
4 ibrahimbadakhshan  
694
Sag boluň! Suraý janyň çyn şahyrlygy hem şygryýeti alymlara ylmy synlar ýazmaga we ýene köp şahyrlara bu goşgudan has kämilräk eserleri döretmäge eltjegine ynanýaryn.

0
2 sylapberdimuhamov  
1428
Harp ýalñyşlaryna-da, gaýry nätakyk giden ýerlerine-de bir esawan etseñiz.

0
5 ibrahimbadakhshan  
694
Hawa, Türkmen keybord diňe el telefonymda bar. Başardygymdan ýalňyşlyklary düzetjek bolaryn. Sagja boluň!

0
3 Bagabat  
43
Werlibrde ýazylan goşgy, duýgy hem pikir gysbylygy bilen ýazylypdyr. Az setire, az söze kän duýgy, kän pikir, esasanam goltgy, hemaýat beriji, duýgudaşlyk, hemaýatdaşlyk, raýdaşlyk äheňi sygdyryljak bolup jan çekileni bildirýär.

Modern lirizmine mahsus üýtgeşijek, ünsüňi özüne "ilişdirýänje" aňlatmalar bar:

- "bütin tenin tiken gurşan giň jülgäniň göbeginde gül gözleýän gyz";
- "säherden öň ýüregiňde Gün dogmagy";
- "galamyň söz çogmagy" (şu ýerde galamy wulkana (ýanardaga) meňzedilen ýaly duýdum);
- "goçak ýigdiň gözlerindäki arzuwdan doly deňiz".

Şygyr tutuşlygyna şu aşakdakylara bagyşlanýar:

1. Ruhy özboluşlylygyňdan uýalmazlyk;
2. Ruhy raýdaşlyk - "Sen ýeke dälsiň! Çünki iň bolmanda men seni syzýan, duýýan, men saňa düşünýän! Diýmek biz iki sany BIMEŇZEŞ!" diýen ýaly manyda.
3. Ruhy doganlyk;
4. Meňzemezligiň - Bimeňzeşligiň gözelligi, özgeligi.

Bellikler:

1. Harp ýalňyşlyklary juda kän. Esasanam "ý, ş, ň" harplary türkmen elipbiýiniň harplary däl. Mümkin awtoryň ýazýan elektron enjamynda bu harplar elýeterli däldir. Şol sebäpden belki Ybraýym aga, siz, adminden ýa-da moderden haýyş etseňiz ol bu şygryňyzy redaktirläp, harp ýalňyşlaryny düzedip berer. Çünki harp ýalňyş kän bolsa, islendik çeper eseriň täsiriniň azyndan 70%-ni zaýalaýar diýip pikir edýärin.
2. "yşk yşygy dura çkip", "gam-gussany", "çalym edýň", "arzow", "magtymgula" ýaly jümlelerde ýalňyşlar gidipdir.
3. Diri adama "närse" diýip ýüzlenmek ýa-da diri adamy "närsä" deňemek dogrumyka? Türkmen dilindä-hä, beýle diýilmeýär. Närse - bu predmet, zat. Ýöne käbir ýerde adama "zat" diýilýändigine çeper eserlerde duşup gördümmikäm diýýän (şu mahal anyk ýadyma düşmeýär).
4. Setirleri hasam syntgylap artykmaç sözleri aýryp bolaýjak ýalymy, Ybraýym aga?! Mysal üçin:

Hiç kime meňzemeýäň,
meňzemeýäň hiç zada.
Ýollar ýolundan azaşýar,
seni görse.

Ýöne dünýäm,
birine çalym edýäň,
örän-örän?!

Buluda bürenen tümlükde (şu ýerde "asmanda" diýmek gerek dälmikä diýýän, sebäbi "bulut" diýilse, "asman" göz öňünde tutulýandygy öz-özündenem düşnüklimikä diýýän),
gülüp duran ýalňyz ýyldyz bolar-a,
güýzüň güni,
tenin tiken tutan jülgäň göbeginde,
gül gözleýän näzenin gyz bolar-a,...
we ş.m., we ş.m..

5. Şygryň ady hem meniň pikirimç-ä "Ruhy doganlyk" diýlip alynsa, soň goşga epigraf hökmünde "Suraý Babanyýazowa ýüzlenme" diýlen bellik girizilse, has jüpüne düşäýjek ýaly. Sebäbi islendik eseriň ady onuň mazmunyny açsa, şonuň bilen hörpdeş gopsa has täsirli bolýan ýaly.

Umuman şowly çykan şygyr diýip hasaplaýaryn.
Galamyň ýiti bolsun, Ybraýym aga!

0
6 ibrahimbadakhshan  
694
Serdar aga, gowy hem ýerlikli bellikler edipsiňiz! Başardygymdan düzetjek bolaryn. Şu ýerde tekst bilen bilelikde sesýazgy hen goýup bolýan bolsady, belki bular ýaly formasy klassyky däl goşgular üçin gowy bolardy!?

Teswiri diňe saýta agza bolan ulanjylar goşup bilýär.
[ Agza bol | Saýta gir ]