19:28 Toprak hakda aýdym | |
TOPRAK HAKDA AÝDYM
Söýülen ýerlerim, söýen ýerlerim, Mähriban topragym, sendedir-sende. Käte gülen, käte köýen ýerlerim, Mähriban topragym, sendedir-sende. Dowam edip atalaryň keşbini, Seniň bilen bagta barýan gös-göni. Egsilmez baýlyklaň sansyz mesgeni Mähriban topragym, sendedir-sende. Sen ýeňiji bolduň, ýaşaýaň erkin, Günsaýyn täzeläp gezýärsiň görküň. Arzuwlaň mesgeni ýüregmiň örkem Mähriban topragym, sendedir-sende. Ýüzüňi örtende maýsalar, güller, Neneň joş urmasyn juwan göwünler. Sapaly aý-ýyllar, sapaly günler Mähriban topragym, sendedir-sende. Iň belent, iň gözel arzuw-hyýalym, Bolmanda bir daban uzaltmak ýoluň. Şonda meni täç edinjek dost-ýarym, Mähriban topragym, sendedir-sende. Eneli-ogula mahsusdyr, belkem, Biz birek-birege meňzeýäs kem-kem. Meni ähli dertden saplajak melhem, Mähriban topragym, sendedir-sende. Çekip bir gün aýralygyň azaryn, Men gitsemem, galar sende mazarym. Owazym, buýsanjym, namysym – barym, Mähriban topragym, sende bor, sende. Italmaz NURYÝEW. | |
|
√ Rubagylar / Goşgular - 01.01.2024 |
√ Perişan kalbyñ umydy / Goşgular - 01.01.2024 |
√ Erjellik / Goşgular - 05.01.2024 |
√ Rubagylar / Goşgular - 13.01.2024 |
√ Kyrk ýaşa ýeteniñde / Goşgular - 03.02.2024 |
√ Salam, Türkmenistan! / Goşgular - 01.01.2024 |
√ Owadan pyçak hakynda erteki / Goşgular - 09.04.2024 |
√ Gowy görülen goşgy / Goşgular - 05.01.2024 |
√ Käbir aýallara melek diýýäñiz / Goşgular - 04.02.2024 |
√ Dünýe... / Goşgular - 11.02.2024 |
Teswirleriň ählisi: 0 | |