Главная » 2021 » Noýabr » 28 » Unudyş
17:46

Unudyş

UNUDYŞ

Käte unudýaryn seni ezizim,
Duýman galýan ýüregimiň boşanyn,
Deň bolup dur sensiz,
Ýaşanym,
Ýaşamanym.

Käte unudýaryn seni ezizim,
Unudýaryn ýylgyrşyňy, sesiňi,
Soňky gezek bagra basyp ysganym,
Unudýaryn ysyňy.

Käte unudýaryn seni ezizim,
Uýalýaryn şonda goja söýgüden,
Söýgi dälmi duýgularmy saýradan?
Söýgi dälmi ynsanlygmy beýgeden?

Käte unudýaryn seni ezizim.
Unudýaryn gözleriňi, eliňi,
Haýsy dilde gürleşerdik ikimiz,
Unudýaryn diliňi.

Käte unudýanym seni ezizim,
Utanjym!
Eý unutmak,
Sen ynsana berilen bir uly gençmiň?

Seni unutmasam neneň ýaşaryn,
Men özümden boşaryn,
Käte boşamasa bendi ýüregim.
Neneň,
Ýollar aşaryn,
Käte bozulmasa,
Aýak yzlarym.

Käte unudýaryn ezizim seni,
Unudýanym üçin bagyşla meni.

Ybrahim B. 2006
Категория: Goşgular | Просмотров: 386 | Добавил: ibrahimbadakhshan | Теги: Ybraýym Badahşan | Рейтинг: 4.3/3
Awtoryň başga makalalary

Goşgular bölümiň başga makalalary

√ Lenç edilen nakyl / Goşgular - 05.02.2024
√ Garyp köñlümiñ soltany / Goşgular - 21.02.2024
√ Nokat / Goşgular - 28.01.2024
√ Kyrk ýaşa ýeteniñde / Goşgular - 03.02.2024
√ Wiswisi lakamly obadaşymyň ömür beýany / Goşgular - 25.03.2024
√ Günüñ monology / Goşgular - 01.01.2024
√ «Отвергнув гордое сомненье…» / Goşgular - 29.02.2024
√ Owadan pyçak hakynda erteki / Goşgular - 09.04.2024
√ Ömrümiñ manysy bolmaly zenan / Goşgular - 05.02.2024
√ Estagfurullaly bentler / Goşgular - 14.02.2024

Teswirleriň ählisi: 5
2
1 permanh2206  
960
Gowy goșgy. Galamyñ ujy ýiti bolsun. Ýetirip dur

2
2 Hyýalkeş  
752
Ybraýym daýy, goşgy şahyrana, owadan bolup başlandy-da soñuna gidip barýarka gowşady. Goşgyñ iñ güýçli ýeri jemleme bolaýjak ýaly welin bärde iñ gowşak ýeri şol bolupdyr.

"Käte unudýaryn ezizim seni
Unudýanym üçin bagyşla meni"

Şu ýerini hökman işläñ. Bu ýagdaýda-ha dogrumy aýtsam, öwrenjäñ galamyndan çykana meñzeýär.
Aslynda, pikir edýän welin goşgynyñ
"Sen ynsana berilen bir uly gençmiñ?"
diýen ýerinden soñuny kesip aýyrsañyz gaty gowy boljak. Çünki, hem-ä gowşaklyk şondan soñ başlanýar hemem jemleme bolaýjak setirler şolarmyka diýýän. Üstünlik!

2
3 Pegas  
98
Menem Hyýalkeşe goşulýan.

0
4 ibrahimbadakhshan  
694
Ömrüñ ötÿänçä öwrenip ÿörmeli. Öwrenip, tejribe gazanyp ösjek bolmaly (Adamzadyñ haÿwanlardan tapawudynyñ biri hem şu ÿerde), Men sizden öwrenmek üçin kä ÿarym ÿazan setirlerimi kitapçyda paÿlaşÿaryn. Dogrudanam şu wagta çen köp zat öwrendim. Men şahyr däl, bolubam bilmerin! Hiç bir halkyñ köp şahyry bolmandyr, bolmazam, ÿöne sözleri gowy görÿärin, sözler bilen goşga meñzeş äheñli setirleri çyrşamda, özümi bagtlyrak, hoşalrak duÿÿaryn. Modern goşgy formasy türkmen dilinde örän ÿaş forma. Biziñ synanşyp ÿazÿan setirlerimiz häzir güne çen çig, ÿörjän-ÿörjän edip ÿören çaga ÿaly. Ÿöne türkmen edebiÿatynda indiki hakyky şahyryñ (şahyrlaryñ) döremegi üçin şular hem örän gerekli. Bu goşgujyklar köpelip, berkäp ajaÿyp klasik edebiÿatymyz bilen geljekde dörejek modern dünÿämiz hem edebiÿatymyzyñ arasynda gözel köpri bolar diÿen umidym bar. Suraý janyñ aýdyşyna görä kemsiz zad tapaÿmak añsat däl, ÿöne käbirimiziñ kemçilik hasaplaÿan setirimiz, mümkin başga birine goşgynyñ iñ gözel ÿeri bolup dudulsyn!? Mahym ÿegen ÿazan synyñ üçin sag bol. Şu websaýtda ÿazylÿan kommentlerden köp zat öwrendim. Ÿene ÿazyp duruñ!

0
5 Hyýalkeş  
752
Düşünmegiñize begendim, Ybraýym daýy. Meniñ ýaly poeziýa aşyk okyjylaryñ pikrine, maslahatyna göz ýummaklyk ýalñyş bolardy. Bu ýalñyşdan zelel görjegem şahyryñ özi.

Teswiri diňe saýta agza bolan ulanjylar goşup bilýär.
[ Agza bol | Saýta gir ]