10:38 Uruş ýyllaryndan bir görnüş | |
URUŞ ÝYLLARYNDAN BIR GÖRNÜŞ
Arkada goşhalta, egninde şinel, Gyssanýar ol öýlerine ýetmäge. Bir oglanjyk ylgap öñünden çykyp, Oña sorag berýär tapman hiç çäre: - Essalawmaleýkim, meniñ kakamyñ, Haçan geljegini aýtgyn, daýy jan?! - Basym geler, sabyrly bol, garaşgyn, Ah, ezizim, akyllyjam, ýagşyjam. Gözlerde aýralyk, ýürekde söýgi, Gyssanýar ol öýlerine ýetmäge. Bir garagöz gelin öñümden çykyp, Oña sorag berýär tapman hiç çäre: - Eý ýigit, bäri dur, söwer ýaryma, Duşansyñ-la, aýt, haçan gelýär ol?! - Ah, gelin, mert ýürek mähriban gelin, Basym gelýär, biraz sabyrlyrak bol! Mañlaýynda gasyn, saçlarynda ak, Gyssanýar ol öýlerine ýetmäge. Garry ene onuñ öñünden çykyp, Oña sorag berýär tapman hiç çäre: - Wah, jan oglum, duşansyñ-la balama, Haçan geljeguni bilýänsiñ hökman?! - Ah, ene ogluñ-a basymjyk gelýär, Sabyrly bol, garaş, gözýaşyñ dökmän! ...Arkada goşhalta, egninde şinel, Gyssanýar ol öýlerine ýetmäge. Ol söwer ýar, ogul hem kaka bolup, Ili begendirdi, tapman hiç çäre. ■ ZOÝA Kyrk birinji ýylyñ añzakly gyşy, Gar syraýar. Zaryn iñleýär şemal. Hol alysda dardan asylan zenan, Aklygyñ içinde görünýär şu hal. Asmana bakyp dur mawy gözleri, Ýüzüne çykypdyr gyrmyzy gany. ....Ol durşuna gyzyl elwan öwüsip, Parlaýar ol Gyzyl Baýdak mysaly. Eziz YKBAL. | |
|
√ Mürze ýigit / Goşgular - 12.03.2024 |
√ Победителям / Goşgular - 29.02.2024 |
√ Düýşgowuran / Goşgular - 08.04.2024 |
√ Şemally gün / Goşgular - 27.01.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Nädip ýaşamaly?! / Goşgular - 13.01.2024 |
√ Moskwadan görýärler / Goşgular - 30.01.2024 |
√ Ak buýnuzly ak maral / Goşgular - 01.01.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Kyrk ýaşa ýüzlenme / Goşgular - 03.02.2024 |
Teswirleriň ählisi: 1 | |
| |