15:22 Ýol | |
ÝOL
Äkitdiler bagtly ömür sürmäge, Diýdiler: - Il-ýurt Siz deñli-deñli. Haýdadyk biz ynsan günün görmäge, Ýol welin, çakyñdan gowgaly-jeñli. Gan-derimi dökdüm ynanyp-uýup, Ne özüm baý boldum, Ne menden alan. Şonda-da jenneti gulagma guýup, Men diýen serdarlar sözledi ýalan. Asla menzil aşyrmaýan bu ýoly, Nätjegimi bilmän ulaşýan derde. Men ilişip galýam bir übtük ýaly, Duran gedaýlara Geçelgelerde. * * * Söz aýtmankañ turýan añyp-gyssanyp, Ogluñ bolsa - Bagt guşy depäñde. Gyz gerekdir teşnelikden suslanyp, Mähre suwsan dodaklaryñ kepände. Aýal gerek öz derdinden sowrulyp, Señ azaryñ emläp, Akyl-huşuñdan - Iki goly telim ele öwrülip, Habar alyp bilýän dumly-duşundan. * * * Adam ogly senem öwren agaçdan, Ýere sanjyp suw berdigiñ köküne! Geregini tapyp şertden-alaçdan, Boýun-inin alar otyr erkine. Agaçlaryñ ösmegi öz-özünden, Daglarda köküne döredip esas. Sypmaly däl Paýhasyndan, gözünden, Ýagşy günler üçin edýärkäñ yhlas. Kakabaý YLÝASOW. "Garagum" žurnaly, 1992 ý. | |
|
√ Soltan / Goşgular - 27.03.2024 |
√ Suwdan ot çykaran goşgy / Goşgular - 31.01.2024 |
√ Yzany yşkyma ýamag etdim / Goşgular - 15.04.2024 |
√ Düýş hem ýagyş / Goşgular - 09.01.2024 |
√ "Gelin jan..." / Goşgular - 26.03.2024 |
√ "At bilen kowalap gördüler ony..." / Goşgular - 01.01.2024 |
√ Dostluk hakda / Goşgular - 18.02.2024 |
√ Düýşgowuran / Goşgular - 08.04.2024 |
√ Hasap / Goşgular - 18.02.2024 |
√ Meniñ monologym / Goşgular - 01.01.2024 |
Teswirleriň ählisi: 0 | |