21:53 Zelili | |
| ZELILI Jeýhun gol uzadyp Bahry-Hazara, Senden alýar güýç-gaýraty, Zelili. Sözleriñ öwrülip göwhere-zere, Ýitirmändir görk-gymmaty, Zelili. Alkyşlaryñ bilen beýgelen daglar, Şygyrlaryñ bilen eýlenen çaglar, Gül-pürçek gujagna düşen meýdanlar, Gördi senden kän hormaty, Zelili. Gözleriñ düşüpdir nurly zamana, Gara öý - gün görmedik dek hamana, Ejir berip gelen her musulmana, Parçalapsyñ bar zulmaty, Zelili. Ýigitleriñ iş kylanda pert bolup, Ýow-ýagyñ dahana düşdi gurt bolup, Gözelleñ söz berdi misli mert bolup, Saklamaga salykaty, Zelili. Gyzlaryñ geýipdir elwan-alyny, Üýşürip saçagna nygmat baryny, Hersine "Kaksyn - diýp - ýürek taryny - Beripsiñ sen sahawaty, Zelili. Görseñ tanamarsyñ Türkmenistany, Ne gyşy galypdyr, ne-de borany, Häzir Diýar şöhrat DIÝARY, şany - Dilden düşmez delalaty, Zelili. Azat dillerinde ýürek galkynar, Il-günüñ ýaşaýar meñzäp ýalkyma, Dolandy döwranlar dogan halkyña, Gel, görmäge adalaty, Zelili. Fahreddin ALYÝEW, azerbaýjan şahyry. Terjime eden: Ahmet MÄMMEDOW. | |
|
| |
| √ "Gara syýa bilen ýazyldy..." / Goşgular - 03.01.2023 | |
| √ Ýaşlygymyzyň şaýady / Goşgular - 06.01.2023 | |
| √ Сон весталки / Goşgular - 13.02.2023 | |
| √ Послание П.Н.Каратееву / Goşgular - 11.02.2023 | |
| √ Письмо к*** / Goşgular - 04.01.2023 | |
| √ Песня / Goşgular - 08.02.2023 | |
| √ Geçdigiçe geň göremok / Goşgular - 24.01.2023 | |
| √ «Там, в полусумраке собора…» / Goşgular - 14.01.2023 | |
| √ Dost / Goşgular - 23.01.2023 | |
| √ Saňa / Goşgular - 06.01.2023 | |
| Teswirleriň ählisi: 0 | |