Oýlanma

OÝLANMA

Bir ýerlerde Gün dogandyr
Sabalary bolsun haýyr.
Bir ýerlerden sebàp berip
Allam,
Ünjülermi aýyr.

Bu gijäniñ tümlüginden
Gara pikirler çogup dur.
Töweregiñ pisliginden
Garaşmadygyñ dogup dur.

Köpden bäri agram salýan
Pikirler uky berenok.
Ýaşyl sähraly heýjanly
Sen hakda düýşem göremok.

Ýat ýerleriñ ýowuz gyşyn
Geçip daban-daban basyp.
Ýüregime düşdi gasyn
Garrady bu kalbym asyl.

Sagat dört bolupdyr eýýäm
Gijäñ gara şal çekenne.
Bir ýerlerde Gün dogandyr
Bu umyt maña teselli.

Ol ýerlere ýürek telwas
Barlygy dünýä malymdyr.
Üýtgeşikdir Watanym has
Ýatlasam synam zarynlar.

Bir ýerlerde Gün dogandyr...

Zöhre ÖWEZOWA.

Stambul, 2022 ý.