Главная » 2023 » Ýanwar » 25 » Bir ýyldan soň...
17:28

Bir ýyldan soň...



Bir ýyldan soň ýene hiç zat üýtgemez,
Gezerin kineli, geçmişe gargap!
Bir ýyldan soň hasam garran ejemiň,
Gyzy borun, ýene bir ýyla garran!

Bir ýyldan soň ýene hiç kim düşünmez,
Belki, sözlerime lagnat ýagylar!
Dostlarmyňam sany noldan köpelmez,
Belki, duşar iki ýüzli ýagylar!

Bir ýyldan soň bagtym dolanmaz gaýdyp,
Umydymam ýene biraz egsiler!
Ýene ynanmaryn, şu günki ýaly,
"Bu dünýäde hakdyr söýgi!" diýseler!

Üýtgemez, adym şo-ol—garry gyz bolar!
Ýaşym üýtgär, otuz däl, otuzbir bolar!

Aýsapar EMELOWA
Goşgular
Категория: Goşgular | Просмотров: 455 | Добавил: ssaparay | Теги: Aýsapar Emelowa | Рейтинг: 5.0/1
Awtoryň başga makalalary

Goşgular bölümiň başga makalalary

√ Men bir ýola... / Goşgular - 12.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ "Ýene-de daň atdy..." / Goşgular - 01.01.2025
√ Eýledi ýar meni dert ile awara, medet... / Goşgular - 12.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ Şaglawuk / Goşgular - 02.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Ýaraly ýüregiň owazy / Goşgular - 22.01.2025
√ Rubagylar / Goşgular - 10.01.2025
√ Dünýä maňa aşyk bolsun! / Goşgular - 07.01.2025

Teswirleriň ählisi: 5
0
1 Ependi  
284
Aýsapar Sizmi bu? Entegem janygyp ýörüşiňmi? Goşgy ýangyndan dörär diýilýäni çynow. Ertirkomda şol wagtlar tanyşjak bolup adyňy sorasam "Aýsapar" diýerdiň. Men bolsa özümi oýnaýar bu diýip düşünerdim. Çünki, bärde "Aýsapar" atly gyz ýok, bar bolmagam ahmal, özüm-ä eşidemok. Şonda dogryňy aýdýan ekeniň. Soň bir ýerde tanadaryn özümi, hä sen şomy diýmegiň ahmal:) Şol wagtlaram kän goşgy ýazardyň. Ýöne, mun ýaly ösen däldi. Indi bolsa, şygyryýeti-edebiýaty doly eliňize alypsyňyz. Ýazyň ýene, käte jogaplap bilemok. Emma, hökman okaýandyryn. Öňräkki, bir hekaýaňyz gaty täsir galdyrdy mende. Entek, durmuşa çykmankaňyz edilýän gürrüňler hakda ýazanyňyz. Ýüregime jüňk bolaýdy şony okap. Hakyky durmuşy suratlandyrypsyňyz. Sizi görenime şat, şo bolşuňyzdan üýtgemänsiňiz. Ýogsa, durmuş köp adamy üýtgedýär ahyry.

0
2 ssaparay  
1436
Şu wagtam adymy aýtsam "Adam oýnaýaňm-aý!" "Gazakmy sen?" diýen sözler köp aýdylýar. Internetda "Oglanmy sen?" diýip soraýanlaram ýok däl. :))
Okaýandygyňyz üçin sag boluň! Teswirleriňize garaşaryn! Minnetdar!:))

0
3 Yusup  
50
Ertirde name nik goteryadin @Ependi?

0
4 sylapberdimuhamov  
1428
Meñ gowy gorýän atlarymyñ biri. Goý gazaklaryñ atlaryna meñzese meñzäbersin. Aslynda özbeklerde Kurbanaý diýen atly gyzam bar.
At adamy bezemeýâr adam ady gepi müñ ýyldan bâri bar-a...)

0
5 sylapberdimuhamov  
1428
"Ýagylar" kapyýalaryñ-a oñadam welin, birhili lagnat ýagylar

Teswiri diňe saýta agza bolan ulanjylar goşup bilýär.
[ Agza bol | Saýta gir ]