Главная » 2023 » Aprel » 24 » Düşnüksizlik
21:38

Düşnüksizlik

DÜŞNÜKSİZLİK

Atdaş!
Seň bilen gürrüňdeşlik...
Meni saňa ýetirýär,
Seni maňa getirýär,
Gulagymda ýaňlanýan:
R&B,
Bruno Mars,
"Talking to the moon"
hemem men,
Notalara siňen duýgymy guçýaryn,
Men saňa uçýaryn.

***

Atdaş!
Ýata dogupsyň-la?
Biraz solupsyň-la?
Ýa irdiňmi menden?
Gelmesem özüň barmakdan,
Her gün gije penjirämden bakmakdan.
Gijelerne boş asmana derdinýän
Men ýaly akmajykdan
ýadadyňmy?
Ýa her aglanymda saňa gelýänim, ýadyňdamydy?
Şoň üçin gyýa jyklap durmuň dar penjirämden?
Bilýäňmi näme, indi öňkim ýaly kejir däl-ä men.
Indi dertlerime boýun egip bilýän,
Bagtym bilen oýun edip bilýän.
Ýetmeli menzilme ýetmä:ni bilýän,
Käte ýalan gepläbem bilýän,
Hat-da ynanýarlaram,
Ynanmaýanlaram...

Aýsapar EMELOWA
Goşgular
Категория: Goşgular | Просмотров: 352 | Добавил: ssaparay | Теги: Aýsapar Emelowa | Рейтинг: 5.0/2
Awtoryň başga makalalary

Goşgular bölümiň başga makalalary

√ Bir dem ol dilber jemalyndan yrak olmak ne güýç... / Goşgular - 01.01.2025
√ Lolular / Goşgular - 08.01.2025
√ Ýa Biribar / Goşgular - 30.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ Ýar laglyň arzuwlar men, jana bereý sen şypa... / Goşgular - 06.01.2025
√ Eýledi ýar meni dert ile awara, medet... / Goşgular - 12.01.2025
√ Aramyzdan gidenleri ýatlalyñ! / Goşgular - 12.01.2025
√ "Ýene-de daň atdy..." / Goşgular - 01.01.2025
√ Dostum, arz et jemalyň, janymyz bolsun fereh... / Goşgular - 04.01.2025
√ Meýdan güli / Goşgular - 30.01.2025

Teswirleriň ählisi: 4
0
1 sylapberdimuhamov  
1428
"Men ýaly akmakdan" diýen ýeri göwnüme ýaramady. Ýok aslynda gowy. Sen kapyýañy gurban et-de "Men ýaly akmajykdan" diýip alsana, jigim!
Akmak gödek eşidilýär. Gyz maşgala-ha asyl aytmak bolanok, hatda özi hakda hem. Bu meñ pikirim. Ylalaşmanam bilersiñ. Emma owadan goşgy. Duygularyñ tämizinden susulyp alnan. Tüweleme!

0
2 Sergezzan  
707
Ayalym bar, yone yok

0
3 Хезретгулыев  
1504
Gerçeknazar, düşün, "Käte ýalan gepläbem bilýän" diýip, awtor, elmydama aldap ýörün diýenok. Şol ýerde esasy üns berilmeli söz "käte" sözi. Elbetde, hemmelerem käte aldaýar. Hamala sen hiç haçan aldamaýan ýaly? Magtymguly "gerek ýerinde ýalan söz ýagşy" diýip aýdypdyr-a.
Ikinjidenem, awtor, jemleme-de şeý diýjek bolýandyr: "käte ýalan sözleýän wagtym, dogry sözüme ynanmaýan adamlar, ýalan sözüme ynanýar" diýip.
Şeýlelikde, Aýsapar "bir okda, iki towşan awlaýar". (Düşünmedikler üçin: bir setirinde birnäçe many getirýär). Göçme manylylyk bolsa (eger ýerlikli ulanylsa), goşgyny bezeýär. Meselem:
"Miwe kän bolsa eger,
Bag başyn aşak eger" setirlerinde azyndan iki-üç many ýatyr.
Eger seniňem "miwäň kän" bolsa, azajyk göwnüňi pesiräk tut! Ilki teswir ýazmankaň, goşgyny gowy oka, düşün! Sebäbi Aýsapar Emelowa seniňem, meniňem tankydymyza-da, öwgimize-de mätäç däl.

0
4 Хезретгулыев  
1504
Gerçeknazar sen şonça ýyldap goşgy ýazyp Aýsaparyň goşgysyna düşünmedik bolsaň meň iki sany pikirim bar:
1) ýa sen Aýsenemi ýaňsylap, ony oňaýsyz ýagdaýda goýjak bolýaň
2) ýa-da Nobatguly Rejebowyň "Ýaramaz şahyrlar" diýen gogysyny oka!

Ýene-de bir zat "awtoryň eli ýokmy" diýipsiň. Hakyky şahyr hiç wagtam aňsat-aňsat özüni goramaz. Oň "janpenalary" okyjylary bolmaly.

Kyn görme-de "Esgerlik" goşgusynda ýazylan teswirem oka!

Teswiri diňe saýta agza bolan ulanjylar goşup bilýär.
[ Agza bol | Saýta gir ]