10:47 "Gel eý dünýä, bu söwdany oňlasaň..." | |
"GEL EÝ DÜNÝÄ, BU SÖWDANY OŇLASAŇ..."
Gel, eý dünýe, bu söwdany oňlasaň, Seniň bilen alyş-çalyş edeýin. Sen-ä garyp ýaşlygymy gaýdyp ber, Men baýlygmy saňa bagyş edeýin. Ýetmiş ýylda der saçyplar gazanan Sylag-serpaýlarym seniňki bolsun. Üstesine hiç zat talap etmäýin, Diňe on sekiz ýaş meniňki bolsun. Elimden al derejämi, çinimi, Ä-ä diýmen: iň bir zabun işi ber. Ýöne ýetde-gütdelikde geçirlen Düýşe dönen şo-ol on sekiz ýaşy ber. Seňki bolsun, içi ýumşak maşynym, Seňki bolsun, gatbar-gatbar otagym. Maňa besdir, şo-ol on sekiz ýaş bilen Garyp çatmam — şol köneje ketegim. Müň bir aladadan hum bolan kelläm Deşik pökgi ýaly bolup ýeňlesin. Kakabaş günleri küýsän ýüregim Porhan bolup, gursagyma sygmasyn. Öňümdäki mele-myssyk nany al, Deregine ýylçyr gara daşy ber, Daş çeýnäpler, gum ýalaplar oňaýyn, Emma maňa şol on sekiz ýaşy ber. Öwezin almaga ýitirlen ömrüň Hakym barmy, ýokmy, hany aýdyp ber. Men bu dok durmuşy saňa bereýin Sen garny aç ýaşlygymy gaýdyp ber! Berdinazar HUDAÝNAZAROW. | |
|
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Ak buýnuzly ak maral / Goşgular - 01.01.2024 |
√ Gowy görülen goşgy / Goşgular - 05.01.2024 |
√ Düýş hem ýagyş / Goşgular - 09.01.2024 |
√ Nokat / Goşgular - 28.01.2024 |
√ Hakyky şahyr / Goşgular - 08.05.2024 |
√ Atsyz goşgy / Goşgular - 31.01.2024 |
√ Käbir aýallara melek diýýäñiz / Goşgular - 04.02.2024 |
√ Mähremlikden nyşan sen... / Goşgular - 08.05.2024 |
√ Rubagylar / Goşgular - 13.01.2024 |
Teswirleriň ählisi: 1 | |
| |