Главная » 2022 » Ýanwar » 18 » Ir säheriň oýlary
12:02

Ir säheriň oýlary

IR SÄHERIŇ OÝLARY

Tuflimiň sesine ýüregmi deňläp,
Bu günem ýene-de howlugýan işe.
Ertiriň säheri ajaýyp neneň!
Eý, Hudaý!
Agşamky gussadan galmandyr nyşan.

Ilki salam berýän juda ulumsa,
Ýadyrgamok häzir sowuk nazardan.
Lak atýan ýoldaky eýjejik çaga.
Gül bolan bolsady, eger-de, göwnüm
paýlasym gelerdi her bir ynsana.

Howaň sowuklygam sussum basanok,
Seredip göge...
Garym-gatym bulutlary sermeýän,
Ýodajyk ýasaýan ýörärim ýaly.
Gör-le, muny?!
Gussam ýeňläberse uçjak ekenim.
Soňam batly ses bilen:
"Adamlar!
Men Sizi söýýän ekenim".
"Allajanym, kesä çekmäbilsedi..."
(Wiý, bu sözi içimden diýdim-ä!!!)

Bilbil KAKABAÝEWA.
Goşgular
Категория: Goşgular | Просмотров: 521 | Добавил: Mähriban | Теги: Bilbil Kakabaýewa | Рейтинг: 4.5/4
Awtoryň başga makalalary

Goşgular bölümiň başga makalalary

√ "Ýene-de daň atdy..." / Goşgular - 01.01.2025
√ Kowusnama: Bedew edinmek hakynda / Goşgular - 12.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Men bir ýola... / Goşgular - 12.01.2025
√ Ýagşy niýetler / Goşgular - 08.01.2025
√ Eýledi ýar meni dert ile awara, medet... / Goşgular - 12.01.2025
√ Lolular / Goşgular - 08.01.2025
√ Ýaraly ýüregiň owazy / Goşgular - 22.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ Şaglawuk / Goşgular - 02.01.2025

Teswirleriň ählisi: 4
0
1 MмС  
850
Annaberdi Agabayewde bir gowy setir bar. Adam ozun adamlara paylayar diyip. Gownuni adamlara ecilmek ucin onun gule owrulmegi hokman dalmika diyyan.
Adam in aydaymaly gerekli sozi hemise icinden aydyar. Gerekmejek awusynam secip yorendir. Ay, garaz egoistligimizi yuwup yylmap aydyan onatja gosgy eken

0
2 Garayolly1936  
830
Ir säheriň oýlary bilrn liriki gahryman işe barýar. Uly joşgun a daýanýan süňňüýeňillik onuň kalbyny hoşwagt~horram çäginde saklaýar. Düýnki, has dogrysy ozalky gam~gussa dumany onuň degre~daşyny gaplap alanak. Gahryman işe barýar. Onuň gözüne adamlardan başlap, ähli nazara ilýän zatlar yssy mähir saçyp duran ýaly. Liriki gshrymanyň hemmelere mähir paýlap, hemmelerden mähir alasy gelýar. Jemagat jemendesinde özindäki ýaly şatlyk~şadymanlygy göresi gelýär. Säheriň göwün galkyndyryjy bu çagyny~pursatyny çapyp barýan WAGTYŇ gurbany bolmazlygyny isleýär. Bilbil Kakabaýewa gowy ýazypdyr. Sag bolsun

0
3 Mahremlik  
1113
Gowy goşgy tüweleme. Hasam tufliň sesini ýüregňe deňlemegiň, hemem göwnüňi gül edip ynsanlara paýlamak islemegiň başgalara bilemok welin mende üýtgeşik täsir galdyrdy. Hemem şahyr inni ýyly sözlerňi içiňden däl-de hemişe daşyňdan aýtmaga synanyş!

0
4 Bilbil  
938
@Mмс, @Haweran, @Mahremlik köp sag boluň. Seslenýäniňize minnetdardyryn. Allajan, okaýanlaryň jany sag bolsun!
@Garaýolly aga siziň diňe tesbiriňiz üçinem goşgy ýazyberesim geldi. Ömrüňiz uzak bolsun!

Teswiri diňe saýta agza bolan ulanjylar goşup bilýär.
[ Agza bol | Saýta gir ]