Главная » 2022 » Awgust » 31 » Jawa
18:16

Jawa

JAWA

Biz ýalňyz galarys, eýýäm gije bolar.
Biz ýalňyz galarys, meň ümsümligim hem meň ýassygym
hem penjire bolar, bimany bakyşly
gämiler hem köprüler iňňä sapak dakýan.
Men aýdaryn: Eýýäm gaty giç
Ýöne maňa jogap bermez
meň elliklem-de, daragymam
diňe seniň ysyň, seň undulan atyryň
tagamnama deý ýatandyr stolda düňderilgi
Bu jawa
Gidip barýanyňky
Bu onuň jawasy
Bu meniň gamgyn jawam
Men almany dişlärin, çekerin çilim
mylky gijesiniň buýnuzynyň sallanyşyna garap
oň äpet balykgulagy mahmal örtülen
onda seň döüşň ýatyr Aýa çirkizilen
Men aýdaryn: Eýýäm gije
hem biz ylalaşarys, küle-de, goşa-da
garyp çagalar üçin öz aý gurjaklaryn galdyrýan
burçda galdyrýan sazsandykçy bilen
Bu jawa
Gidip barýanyňky
Bu onuň jawasy
Bu meniň gamgyn jawam
Dogry, ýürek, aýdym aýt galýan zat hakda
aýt aýdym, öýüň aladasynda galýan zat hakda.

• Джава

Мы останемся одни и уже будет ночь.
Мы останемся одни моя тишина и моя подушка
и будет окно с бессмысленным взглядом
корабли и мосты вдевающие нитки в иголки.
Я скажу: Уже очень поздно
Но мне не ответят
ни перчатки мои ни расческа
только твой запах, твой забытый парфюм
как меню лежащее перевернутым на столе
Это джава
Того кто уходит
Это его джава
Это моя грустная джава
Я надкушу яблоко выкурю сигарету
смотря как опускаются рога ночи медузы
ее огромная улитка обшита бархатом
в котором спит твоя грудь опаленная луной
Я скажу: Уже ночь
и мы согласимся о мебель о пепел
с шарманщиком поднимающим на углу
для бедных детей своих лунных кукол
Это джава
Того кто уходит
Это его джава
Это моя грустная джава
Правильно, сердце, пой о том что остается,
пой о том что остается чтобы заботиться о доме.

© Hulio KORTASAR.
Goşgular
Категория: Goşgular | Просмотров: 264 | Добавил: Bagabat | Теги: Hulio Kortasar | Рейтинг: 5.0/1
Awtoryň başga makalalary

Goşgular bölümiň başga makalalary

√ Ýaşlyk döwrüň ýatlamasy / Goşgular - 03.06.2024
√ Ýalñyzlyk / Goşgular - 28.07.2024
√ "Şeýlemidi ahyrynda etjegiň..." / Goşgular - 03.12.2024
√ Dostum, älem seniň çün olar duşman maňa... / Goşgular - 05.11.2024
√ Ged enarel-yşka-lil-uşşagy min hejel huda... / Goşgular - 02.08.2024
√ Garrylyk hakynda goşgy ýazypdym... / Goşgular - 15.07.2024
√ "Diýdiñ: Gelin bolup görkezeýinmi?.." / Goşgular - 14.02.2024
√ Pyglym harapdyr / Goşgular - 29.06.2024
√ Wiswisi lakamly obadaşymyň ömür beýany / Goşgular - 25.03.2024
√ Uzak gije / Goşgular - 15.11.2024

Teswirleriň ählisi: 2
0
1 rmametgurbanow  
295
Jawa bolanda, ýüklemek ýada ýük manyda berilýärmi?
Terjime gowy bolupdyr.
Minnetdar!

0
2 Bagabat  
43
Internetden tapan maglumatlaryma görä, Hulio Kortasar "jawa" diýen söz bilen öz döwründe ýaşlaryň arasynda meşhur bolan latynamerikan tangosynyň "jawa" diýlip atlandyrylýan bir görnüşini göz öňünde tutupdyr öýdýän.
Şu ýerde bir pikir geldi - Tanslaram edil adamlar ýaly. Möwriti geçýär - ölýär.
Gadymyýetiň: "Merlezon baleti - üçünji akt!" diýilýän asylzada sallam-sajaklykdan doly, haýaljak tanslaryn-a göz öňünde-de tutamok.
Kim şu wagt mazurka, kotilýon, polonez, polka, krakowýanka, pa de katr, kadril ýaly 19-njy asyryň bal tanslaryny edýär?
Bu meselede köçe tanslarynyň ömri hasam gysga.

Ýadyma düşýä, :-), geçen asyryň 90-njy ýyllarynda Kakow Öwezowyň (Kakow "eşek" diýýädiler) "eh limonçiki, wy maýi çerwonçiki" diýip aýdýan blatnoý aýdymynyň özboluşly bir toý tansyna mežnun bolardyk.

Ondan soň 2000-nji ýyllarda Mustafa Sandalyň "Onuň arabasy war, guzelmi-guzel" diýip bir aýdymyna, däli-telbe tans çykypdy.

Ýa-da geçen asyryň segseninji ýyllarynda gögele halkynyň hemmesi "Tansordisko" (Disko tansçysy) atly hindi kinosynyň täsiri bilen diskoň magşugyna öwrülipdi. Ondan soňam breýk-dansyň (robotlaryň tansynyň) ölemenidik.

Bir döwür bolsa Maýkl Jeksonyň "aý ýöreýşi" (лунная походка, moonwalk) biziň jahyl kellämizi pyrlaýardy.

Heh...

A siz bolsa, don Hulio, "jawa" diýýäňiz, "tango" diýýäňiz, "bolero" ýa-da "sambo" diýýäňiz...

Indiki ýaşlar bolsa, gardaşlar, tehnoň, tektonigiň, elektro-densiň, pappingiň we ş.m. yşgynda perwana :-)...

Megerem, bize-de öz döwründe ýaşy ellä ýetip barýan “garryjalarymyz”: “Bih, bü kelesaňlaň bo:p börüşlern-aýt! Şüleňem kädi-kellesinne nämmar? Heýç bilmiýäň! Edýän tänsleri dagy näteňet? Bü bor-a-how ine lezgiňka diýdi, ça-ça-ça diýdi, twist diýdi, halys bolmanda “degene gözüm mennen däl – gammar pyrlampaç” diýdi wir, narmanny tanslar...Päh, tüfüňemmiri diýsäni...” diýip gaýybana hüňürdän bolsalar gerek :-).

Olara-da öz döwrüniň “garryjalary” megerem: “Neçüýn, negözel küştdepdi oýnymyýaňyz-ow, peläketler!” diýip igenendirler...

Teswiri diňe saýta agza bolan ulanjylar goşup bilýär.
[ Agza bol | Saýta gir ]