Maňa şäher diýmäň...

MAÑA ŞÄHER DIÝMÄÑ
​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​
ýa-da şäherleşip barýan obanyň aýdan sözleri

Maňa şäher diýmäň barmak görkezip,
Olar ýaly ulug bolup başarman.
Maşynlaryň sesi bilen ürküzip,
Adamlaryň rahatlygny gaçyrman!

Ýoluma-da çagyl düşäp ýörmäň siz,
Asfalt ýerde galmaýar-a aýak yz.
Meniň bu aýdanmy gaty görmäň siz,
Duýup bilmen kimiň geçenlerni tiz.

Ýolyşygam goýmaň ýoluň çetinde,
Lökge az mekanda düzgün bozulmaz.
Aýyň nury barka,
​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ gijäň içinde
Ýagty çyralaram gerek bolunmaz.

Oňa derek bolsun tenekar baglar,
Goý, dolduryp dursun daş-töweregi,
Bolmasa-da mende ak başly daglar,
Baýyrlamdyr — şu goýnumyň bezegi!

Ýokdur seýilbagam aşyk-ýarlaryň,
Olar üçin samankepbe jennetdir.
Gökden uçar geçmez, emma gazlaryň,
Uçuşyny synlamagam lezzetdir.

Gyş düşse, adatça, güllerim solar,
Onsaň Bahar gelse ýene gülleýär.
Gijäni gündize öwrüb-ä bolar,
Ýöne oba şäher bolup bilmeýär!

01.10.2023 ý.

Baýramberdi GELDIMYRADOW.