Ömür

ÖMÜR

Geldim,
Ýalança dogruçyl gerek däl eken,
Olar kän eken.

Ýaşadym,
Öli ýaly diri bolup,
Her gün öz-özümi bogup.

Ýazdym,
Gara kagyzy ak etjek bolup,
Sözleri ýarama em etjek bolup.

Söýdüm,
Boldum jelladyma aşyk,
Belki söýdüm çenden aşa.

Üşedim,
Maňa ot gerek ýanar ýaly,
Ýene biraz ýazar ýaly.

Doňdum,
Dodaklarym gurapdyr,
Kirpikler bir-birini gujaklapdyr.
Toprak bolupdyryn,
—Soň?
—Hasap,
Iki ýol,
Bakylyk...