Oýan söwdügim, oýan

OÝAN SÖWDÜGIM, OÝAN

Saba bolsun, men bu ýerden gideýin,
Garyp bilbil kibi perýat edeýin,
Sen durkañ derdim kime dökeýin?!
Oýan, eý, gözüñi söýdügim, oýan!

Dilberiñ başynda samyr saç bolar,
Söýüp-söýüp aýrylmasy giç bolar,
Sen gidäýseñ, meniñ halym hiç bolar,
Oýan, eý, ýüzüñi söýdügim, oýan!

Garajaoglan diýer, söwdañ soraýar,
Oturyp bakjada, zülpün daraýar,
Ýollarda ýitiren ýaryn araýar,
Oýan, eý, özüñi söýdügim, oýan!

■ ÇYKSAM ÝOLA

Ak gollaryñ sala-sala ýöräýin,
Neneñ getireýin seni ele men?
Men bir laçyn bolsam, sen bir balaban,
Alsam çaññalyma, çyksam ýola men.

Iliñizde ýokmy düzgün ㅡ kadalar,
Ak elleriñ altyn tasda ýuwdular,
Seni maña ýaşyl ördek diýdiler,
Onuñ üçin dolaşaryn köle men.

Ýükletdim idegim-kerwen hatarym,
Ýüküm ýüpek, men alana sataram,
Iki bilbil bir kapasda öterem,
Gonmarynmy täze açylan güle men,

Hamana, heý, Garajaoglan, hamana,
Jañly kerwen ýollanmyşam Ýemene,
Söýdüm men ýarymy, eýse kime nä?
Näme etdim meni kowan ile men?

■ DIL GEREK MAÑA

Söwdügim, arzymy diýmäge saña,
Bilbil söýledigi dil gerek maña.
Wah, bagrym kül boldy çoh ýana-ýana,
Ody söndürmäge sil gerek maña.

Ýandym, ýakyldym-la men ataşlara,
Bardym-da dakyldym men bir çiştere,
Dilindi jigerim, ýazyldym ýere,
Meni galdyrmaga el gerek maña.

Halym añlar bolsañ, haldaş bolaly,
Enesiz-atasyz gardaş bolaly,
Ýat ile gezem diýseñ, ýoldaş bolaly,
Uny ýar zülpünde ㅡ ýol gerek maña.

Garajaoglan aýdar, Baýburt illeri,
Ösüp-ösüp bize geler ýelleri,
Burmalanmyş ýar zülpüniñ telleri,
Oña baglanaýjak gül gerek maña.

■ NE DERDIÑ BAR ÝAR SENIÑ?

Her saba, her saba çykar bakarsyñ,
Bilmeýärin, ne derdiñ bar, ýar seniñ?
Dertli synam yşk oduna ýakarsyñ,
Bilmeýärin, ne derdiñ bar, ýar seniñ?

Bahar gelmeýänçä güller açylmaz,
Ýarsyz ýaýlalara gonup-göçülmez,
Ukudan galksañ-da, gözüñ açylmaz?
Bilmeýärin, ne derdiñ bar, ýar seniñ?

Ýaz gelende guran otlar suwlanar,
Jahyl bolanlaryñ göwni awlanar,
Ýyl geçende iki baýram bellener,
Bilmeýärin, ne derdiñ bar, ýar seniñ?

Garajaoglan diýer, boldugy ýerde,
Jiger kebap bolar gördügi ýerde,
Saba güneşiniñ dogdugy ýerde,
Bilmeýärin, ne derdiñ bar, ýar seniñ?

Hasan GARAJAOGLAN.