Rubagylar

RUBAGYLAR

Ja­han sy­ryn yz­lan bu ters oýun­da
By­rag mü­ner, ar­şa ga­lar kü­ýün­de.
Özü­niň kim­di­gin aň­şy­ran ça­gy,
Boý­nun bu­rup, ga­lar ah­myr öýün­de.

***

Gar­ry, ju­wan diý­män, do­nun bi­çer­ler,
Olar ýe­kän-ýe­kän ýa­nyp öçer­ler.
Ber­len däl­dir dün­ýe hiç ki­me ba­ky,
Geç­di­ler, ge­çe­ris, ýe­ne ge­çer­ler.

***

Ar­man, düş­dük bi­kär, bir bi­weç ýo­la,
Pe­lek sal­dy bi­zi oý­nat­gy ha­la.
Göz açyp-ýu­myn­çak geç­di öm­rü­miz,
Terk et­dik dün­ýä­ni, ýet­män wy­sa­la.

***

Ju­wan­ly­gym goý­dy me­ni ar­man­da,
Köw­sar­la­ýar öm­rüň gy­şy her ýan­da.
Buý­sanç­ly ýaş­ly­gym, eý, döw­let gu­şum,
Şo-ol uçup gi­di­şiň, kan­da sen, kan­da?

***

Gow­ga­ly bu älem ga­dym di­ýar­dyr,
Gün­di­zi röw­şen­dir, gi­je gu­bar­dyr.
Syn­lan­dyr ol kes­bin ýüz­läp Jem­şi­diň,
Ýe­ne ýüz­läp Bäh­rem ýa­dyn­da bar­dyr.

***

Ezel sy­ryn ne sen aňar­syň, ne men,
Bil diý­se­ler, ne sen da­na­syň, ne men.
Biz je­del gur­ýa­rys duw­la­nyp per­dä,
Per­de dü­şer, ne sen ga­lar­syň, ne men.

***

Peş­me­ge dön­der­se tak­dy­ryň bu gün,
To­gar­la­ny­ber­gin, et­me­gin gö­wün.
Se­ni şeý­le ha­la sa­lan bil­ýän­dir,
Kän go­wy bil­ýän­dir dur­mu­şyň to­wun.

***

Dün­ýä­niň öze­ni, jo­şy — özü­miz,
Paý­has at­ly mä­hek da­şy — özü­miz.
Meň­zet­sek ýü­zü­ge äle­miň ýü­zün,
Şol ýü­zü­giň göw­her ga­şy — özü­miz.

***

Da­na­lar bil­sek diýp dün­ýä­niň sy­ryn,
Yz­la­dy ýo­da­syn as­ma­nyň, ýe­riň.
So­ňam ýol-ýo­da­ny ýi­ti­rip olar,
Awy bol­dy tüm­lük diý­len ýe­se­riň.

***

As­ma­nyň ku­ýa­şy — şol­dur çyn söý­gi,
Dur­mu­şyň bagt gu­şy — şol­dur çyn söý­gi.
Söý­gi bol­maz na­la­syn­dan şeý­da­nyň,
Öl, çek­me na­ly­şy! — Şol­dur çyn söý­gi.

***

Ti­ke­ni sal­ýan­ça te­ni­ňe ýa­ra,
Ýe­tip bol­maz eken gül ýüz dil­da­ra.
Sy­pap gör­mek üçin ýa­ryň şa­ma­ryn,
Da­rak, gör-bak, et­di bag­ryn ýüz pa­ra.

***

Bi­ha­bar men. Bil­men ba­ryň ýa ýo­guň,
Ze­rur­my­dyr sa­ňa gü­näm, so­ga­bym?
Gü­näm ýe­tik. Şon­da-da men ta­ma­kin
Reh­me­tiň­den se­niň, eý, Bi­ri­ba­rym!

***

Da­mar, süňk, et, gan­dan bo­lup­syň ber­jaý.
Ge­zi­ber­gin, bar­dyr ýa­rat­gan Hu­daý.
Rüs­tem Zal bol­sa-da, bur­ma boý­nu­ňy,
Gep çek­me, dos­tu­ňam bol­sa Ha­tam Taý.

***

Dost­luk — döw­let, tä­miz­li­giň göz­ba­şy,
Çyn dos­tuň aýag­na goý­ýa­ryn ba­şy.
Gam ty­gyn at­sa-da, dost at­syn, ge­çir,
Her ki za­dyň dost­dan ge­le­ni ýag­şy.

***

Özüň­çe ýok­la­ryň et­me hyz­ma­tyn,
Si­ňek deý hars urup, göz­le­me mug­tun.
Iki gün­de bir nan iýip oň we­lin,
Çe­kä­ýi­ji bol­ma öz­gäň min­ne­tin.

***

Sä­her ça­gy bir guş gör­düm düý­şüm­de,
Keý­kow­suň kel­le­si onuň ga­şyn­da.
«To­ba, to­ba! — diý­di guş ba­kyp oňa —
Gör, ni­çik gow­ga bar adam ba­şyn­da».

***

Dün­ýe — dü­rüş­de­si da­naň, na­da­nyň,
Pä­him eý­le ma­ny­syn şeý­le ka­da­nyň:
Ba­tyl, ker bol, lal bol duş­saň na­da­na,
Eger sag bol­ma­gyn is­le­seň ja­nyň.

***

Giz­le ja­han sy­ryn köň­lüň tö­rün­de,
Ja­na dert­dir, aç­saň il hu­zu­ryn­da.
Äş­gär edip bol­maz göw­nüň­dä­ki­ni,
Dur­gun sen na­dan­laň uzag­ra­gyn­da.

***

Ha­lym pes. Kal­bym­da Ez­ra­ýyl otyr,
Ölen­ler oz­dur­dy — pa­ra­hat ýa­tyr.
To­ba gel­ýän. Ýe­ne ga­zan­ýan gü­nä,
Dü­zel­mez­mi­käm diýp, ed­ýän ho­wa­tyr.

***

Ägä bol, pa­ny­nyň agy­sy bar­dyr,
Ok-ýa­ýy, han­ja­ry — ba­ry­sy bar­dyr.
Seň ag­zy­ňa hal­wa sal­sa tak­dy­ryň,
Zyn­har, ýuw­daý­ma­gyn, awu­sy bar­dyr.

***

Der­wüş ge­çen ýol­dan ýör­me­seň, bol­maz,
Ýü­züň ýa­şa ýu­wup dur­ma­saň, bol­maz.
Baş çy­kar­jak bol­saň ýe­ser söw­da­dan,
Ser­den ge­çip, kän ah ur­ma­saň, bol­maz.

***

Syp­ma ýok dün­ýä­niň hi­le-alyn­dan,
Öm­rüm bo­ýy na­dyl bol­dum ha­lym­dan.
Nä­çe öw­ren­sem-de yn­san tak­dy­ryn,
As­gyn gel­dim dün­ýe diý­len za­lym­dan.

Terjime eden Annaly BERDIÝEW.